އިޒްރާއީލުން ހަމަލާދީ ޣައްޒާގެ އިތުރު ބަޔަކު ޝަހީދުކޮށްލައިފި
އިޒްރާއީލުން ޣައްޒާގެ އެކި ހިސާބުތަކަށް ރޭ ދިން ޙަމަލާތަކުގައި ޣައްޒާގެ އިތުރު 3 މީހުން ޝަހީދުކޮށްލައިފި އެވެ.
ޙަމަލާ ދިނުން ހުއްޓާލައި ސުލްޙަ ވުމަށް އެއްބަސްވުމަށް ފަހު ވެސް އިޒްރާއީލުން ކެނޑިނޭޅި ޣައްޒާއަށް ދަނީ ހަމަލާތައް ދެމުންނެވެ. ބައިނަލްއަޤްވާމީ ޙަބަރުފަތުރާ އެގެންސީއެއް ކަަމށްވާ އަލްޖަޒީރާއިން ބުނެފައިވަނީ، އިޒްރާއީލުން ރޭގައި ޙަމަލާދިން ހިސާބުތަކުގެ ތެރޭގައި ޣައްޒާގެ ދެކުނުން އޮންނަ ހިސާބުތަކެއް ކަމަށްވާ ރަފާޙްއާއި ޚާންޔޫނިސް އަދި ޣައްޒާގެ އިރުދެކުނުން އޮންނަ ޒެއިތޫން ހިމެނޭ ކަމަށެވެ. ސިއްޙީ އޮފިޝަލުން މަޢުލޫމާުތު ދީފައިވާ ގޮތުގައި، ފަލަސްތީންގެ ޒުވާނަކަށް ލިބުނު ޒަޚަމްތަކކަަށް ފަރުވާ ދިނުމަށް ޚާންޔޫނިސްގެ ހޮސްޕިޓަލްއަކަށް ގެންދިޔަ މަގުމަތީގައި އިޒްރާއީލުން ޙަމަލާދިނުމުގެ ސަބަބުން އެޒުވާނާ ވަނީ ޝަހީދުވެފަ އެވެ.
މީގެ އިތުރުން އިޒްރާއީލުން ދިން ބަޑީގެ ޙަމަލާތަކުގައި ފަލަސްތީނުގެ އިތުރު 2 ޒުވާނަކު ޝަހީދުވެފައިވާ ކަމަށް ފަލަސްތީނުގެ ރަސްމީ ނޫސްއޭޖެންސީ ވަފާއިން ބުނެފައިވެ އެވެ.
ޣައްޒާގައި މިވަގުތު ހަރަކާތްތެރިވާ ނޫސްވެރި ބުނެފައިވަނީ، އިޒްރާއީލްގެ ހަނގުރާމަމަތީ މަތިންދާބޯޓުތަކާއި ޑްރޯންތަކުގެ އަޑު މެދުނުކެނޑި އެސަރަހައްދުން އިވެމުންދާ ކަމަށާއި، ހަމަލާދިނުން މަނާކުރާ ރީނދޫ ލައިންގެ ސަރަހައްދުގައި ވެސް ކެނޑިނޭޅި ހަމަލާތައް ދެމުންދާ ކަމަށެވެ.
މިލިޔުން ކިޔާލުމުން
