މޯލްޑިވްސް މީޑިއާ އެންޑް ބްރޯޑްކާސްޓިންގ ރެގިއުލޭޝަންގެ ބިލަށް ޢާއްމުންގެ ޚިޔާލު ހޯދުމަށް ހުޅުވާލައިފި

މޯލްޑިވްސް މީޑިއާ އެންޑް ބްރޯޑްކާސްޓިންގ އެންޑް ރެގިއުލޭޝަންގެ ބިލަށް އާއްމުންގެ ހިޔާލު ހޯދުމަށް ހުޅުވާލައި ފިއެެވެ.

ރައްޔިތުންގެ މަޖިލީހުން ޢާއްމު ކޮށްފައިވާ އިޢުލާނެއްގައިވާ ގޮތުން މިވަޤުތު އެންމެ ގަދަައަށް ނޫސްވެރިން އަޑު އުފުލަމުންދާ އަދި ޢާއްމު ރައްޔިތުންގެ ގިނަ ބަޔަކު ވާހަކަ ދައްކަމުން ގެންދާ މޯލްޑިވްސް މީޑިއާ އެންޑް ބްރޯޑްކާސްޓިންގ އެންޑް ރެގިއުލޭޝަންގެ ބިލަށް ރައްޔިތުންގެ ޚިޔާލު ހޯދުމަށް ހުޅުވާލާފައި މިވަނީ ބުރާސްފަތި ދުވަހުގެ ވަގުތެއްގައެވެ.

އިޝްތިހާރު

މި އިޢުލާނުގައިވާ ގޮތުން މަޖިލީހުގެ އިދާރާއަށް ލިޔުމަކުން ނުވަތަ މެއިލް ކޮށްގެން ޚިޔާލު ހުށަހެޅި ދާނެ އެވެ. އީމެއިލް ކުރާ ނަމަ މަޖިލީހުން އަންގާފައިވާ އީމެއިލް އެޑްރެހަކީ indep.institution_committee@majilis.com.mv އެވެ.
ޚިޔާލު ހުށަހެޅުމުގެ ސުންގަޑި އަކީ 6 ސެޕްޓެމްބަރ 2025 ވަނަ ދުވަހުގެ ދަންވަރު 23:59 އެކެވެ.
ޢާއްމުންގެ ޚިޔާލު ހޯދުމަށް މަޖިލީހުން ހުޅުވާލާއިވާ އިރު ބިލް ބޭރު ކުރުމަށް ނޫސްވެރިން ގެންދަނީ އިހްތިޖާޖް ކުރަމުންނެވެ.