ކަންގަނާ، އިންސްޓަގްރާމުން ވެސް ބޭރުކޮށްލައިފި

އާދަމް ޒިދާންމެއި 10, 2021 - 16:15

0 ކިިޔުމަށް ހޭދަވާނީ 1 މިނެޓު

ކަންގަނާ ރަނާވަތު، އިންސްޓަގްރާމުން ވެސް ބޭރުކޮށްލައިފި އެވެ.

ހަލުވިކަމާއެކު ފެތުރެމުންދާ ކޮވިޑާއިމެދު އޭނާ ދެކެމުން އަންނަގޮތުގެ ސަބަބުން އޭނާ ވަނީ މިދިޔަ ހަފުތާގައި ޓްވިޓަރ އިން ވެސް ބޭރުކޮށްފަ އެވެ.

އިޝްތިހާރު

ޓްވިޓަރއިން ކަންގަނާ އާދެކޮޅަށް ފިޔަވަޅުއެޅީ އިންޑިއާގެ ސިޔާސީ މަޝްރަހާއި ގުޅޭގޮތުން އަނިޔާވެރިކަމަށް ހިތްވަރު ލިބޭގޮތަށް ކުރި ޕޯސްޓަކާއި ގުޅިގެންނެވެ.

އިންސްޓަގްރާމުން ޑިލީޓްކޮށް ނުވަތަ އެހެން މީހުންނަށް ނުފެންނަ ގޮތް ހެދީ “ކޮވިޑް ބައްޔަކީ ކުޑަ ވަގުތުކޮޅަކަށް ޖެހޭ ރޯގާއެއް ކަމަށް ބުނެ ޕޯސްޓު ކުރުމުން ނެވެ. އަދި ކޮވިޑް ދެކެ ބިރު ނުގަތުމަށާއި ބިރު ގަންނަނަމަ ކޮވިޑް މީހާ މާބޮޑަށް ބިރު ގަންނަވާނެ ކަމަށް ވެސް އޭނާގެ ޕޯސްޓުގައި ބުނެފައި ވެއެވެ.

ކޮވިޑް-19 އަށް މިހާރު ޕޮޒިޓިވް ވެފައިވާ ކަންގަނާ ބުނެފައިވަނީ ކޮވިޑަކީ މާބޮޑު ބައްޔަކަށް ހަދައިގެން އުޅެނީ މީޑިއާއިން ކަމަށެވެ.

ކޮވިޑް ކޮންޓްރޯލް ކުރުމަށް އިންޑިއާގައި އަޅާފައިވާ ފިޔަވަޅުތަކާއި ދެކޮޅަށް އޭނާ ފާޅުގައި މަސައްކަތް ކުރަމުން އަންނަ އިރު، ޢާންމު ތަންތަނުގައި މާސްކު އެޅުމަށް ވެސް އޭނާ ދެކޮޅު ހަދައެވެ.