ރާއްޖެއިން ޢުމްރާއަށްދިޔަ ދިވެހި އަންހެނަކު ގެއްލިގެން ހޯދަނީ
މިއަހަރު ރާއްޖެއިން ޢުމްރާއަށް ދިޔަ ދިވެހި އަންހެނަކު ގެއްލިގެން ހޯދަމުން އަންނަކަމަށް މޯލްޑިވްސް ޙައްޖު ކޯޕަރޭޝަނުން ބުނެފިއެވެ.
އެ ކޯޕަރޭޝަނުން ބުނީ އެ އަންހެންމީހާ ގެއްލުނީ އަޅުކަމުގެ ތެރޭގައި އުޅެނިކޮށް ހުކުރު ދުވަހުގެ ރޭގެ ވަގުތެއްގައި ކަމަށާއި މިހާރުވެސް އޭނާ ހޯދުމުގެ މަސައްކަތް ކުރަމުން އަންނަކަމަށެވެ. އަދި އަންހެން މީހާގެ އަތުގައި ހައްޖު ކޯޕަރޭޝަންގެ ފަރާތުން ޢުމްރާއަށް ދިޔަ މީހެއްކަން އަންގައިދޭ ފާސް އޮންނާނެ ކަމަށާއި އެފާހުގައި ހޮޓްލައިން ނަމްބަރުތަކާއި ހޮޓަލުގެ މަޢުލޫމާތު އޮންނާނެ ކަމަށްވެސް ބުންޏެވެ.
އެ ކޯޕަރޭޝަނުން އިތުރަށް ބުނީ ގެއްލިގެން ހޯދަނީ ޢުމުރުން 53 އަހަރުގެ އަންހެނެއް ކަމަށެވެ. އެހެންނަމަވެސް އިތުރު ތަފްސީލު އަދިހާމައެއް ނުކުރެއެވެ.
ރާއްޖޭގެ މާސްމީޑިއާގައި ޚަބަރުތައް ލިޔެފައިވާގޮތުގައި ގެއްލިގެން ހޯދަނީ ކ. ދިށްފުއްޓަށް ނިސްބަތްވާ މީހެކެވެ. އަދި އޭނާ ޢުމްރާއަށް ދިޔައީ ފިރިމީހާއާ އެކުގައި ކަމަށެވެ.
ހައްޖު ކޯޕަރޭޝަންގެ ހަވާލުގައި މިވަގުތު 84 މީހަކު އުމްރާގެ އަޅުކަން އަދާކުރުމަށް މައްކާގައި އެބަތިބިއްބެވެ.
މިލިޔުން ކިޔާލުމުން
