ސްރީލަންކާގެ ބޮޑުވަޒީރުކަމުގެ ހުވާ މަހިންދަ ރާޖަޕަކްސަ ކުރައްވައިފި
އަވަށްޓެރި ސްރީލަންކާގެ ބޮޑުވަޒީރުކަމުގެ ހުވާ އެޤައުމުގެ ކުރީގެ ރައީސް މަހިންދަ ރާޖަޕަކްސަ ކުރައްވައިފިއެވެ.
އެޤައުމުގެ ސަރުކާރު ހިންގާ ކޯލިޝަންގައި ހިމެނޭ މައި އެއްޕާޓީ އަދި ކުރީގެ ބޮޑުވަޒީރު ރަނިލްގެ ޔުނައިޓެޑް ޕީޕަލްސް ފްރީޑަމް އެލަޔަންސް (ޔޫޕީއެސްއޭ) ސަރުކާރު ކޯލިޝަނުން ވަކިވެފައިވާ އިރު، ބޮޑުވަޒީރުކަމުގެ މަޤާމުގައި މިއަދާ ހަމަޔަށް ހުންނެވި ކުރީގެ ބޮޑުވަޒީރު ރަނިލް ވިކްރަމަ ސިންހަ އިސްތިއުފާ ދެއްވާފައިވަނީ ކުއްލި ގޮތަކަށެވެ. އަދި ރާޖަޕަކްސަ ހުވާ ކުރެއްވީ ރަނިލް އިސްތިޢުފާދެއްވިތާ މާގިނަ އިރެއް ނުވަނީހެވެ.
ސްރީލަންކާގެ ރައީސް މައިތިރިޕާލާ ސިރިސޭނާގެ ސްރީލަންކާ ފްރީޑަމް ޕާޓީ (އެސްއެލްއެފްޕީ) އާ ކުރީގެ ބޮޑުވަޒީރު ރަނިލް ވިކްރަމަ ސިންހާގެ ޔޫއެންޕީ ކޯލިޝަންއެއް ހަދާ، ގުޅިފައިވާ ވެރިކަމެއް ކުރަން 2015 ވަނަ އަހަރުގެ ޢާންމު އިންތިޚާބަށް ފަހު، އެއްބަސްވެފައިވީނަމަވެސް އެ ދެޕާޓީގެ މެދުގައި މައްސަލަތަކެއް އުފެދިފައިވާތާ ދުވަސްކޮޅެއް ވަނީ ވެފައެވެ.
ރަނިލްގެ މައްޗަށް އިތުބާރު ނެތްކަމުގެ ވޯޓެއް ނަގަން ސިރިސޭނާގެ ޕާޓީއަށް ނިސްބަތްވާ ޕާލިމެންޓޭރިއަނުން މަސައްކަތް ކޮށްފައިވީނަމަވެސް އެ ވޯޓުން ވިކްރަމަ ސިންހަ ވަނީ ސަލާމަތްވެވަޑައިގެންފައެވެ.
މިލިޔުން ކިޔާލުމުން
