”ޕިންކް ރިބަން ވޯކް“ މި މަހުގެ 28 ގައި..

އުރަމަތީގެ ކެންސަރަށް ހޭލުންތެރިކުރުވުމަށް ބާއްވާ ”ޕިންކް ރިބަން ވޯކް“ މި މަހުގެ 28 ގައި ބޭއްވުމަށް ނިންމައިފިއެވެ.

ކެންސަރ ސޮސައިޓީ އޮފް މޯލްޑިވްސް އާއި ބޭންކް އޮފް މޯލްޑިވްސް (ބީއެމްއެލް) ގުޅިގެން ބާއްވާ މި ހިނގާލުން ރާއްޖޭގެ އެކި ސަރަހައްދުތަކުގައި ބޭއްވުމަށް ވަނީ ނިންމާފައެވެ.

އިޝްތިހާރު

ބީއެމްއެލް އިން ބުނީ 2016 އިން ފެށިގެން ބާއްވަމުން އަންނަ މި ހިނގާލުން މާލެ، ހުޅުމާލެ އަދި އެ ބޭންކުގެ ބްރާންޗު ހުންނަ 27 ރަށެއްގައި ކުރިއަށް ދާނެ ކަމަށެވެ.

މި ހިނގާލުމުގައި ބައިވެރރިވުމަށް ބައިވެރިވާން ރަޖިސްޓްރީވާން ނުޖެހުނަސް، އެ ހިނގާލުމަށް ޚާއްޞަކޮށްފައިވާ ޓީޝާޓެއް ބައްލަވައިގަތުމަކީ ބީއެމްއެލްގެ ވަރަށް ބޮޑު އެދުމެކެވެ.

ލެކިއުޓް، ރެޕިއުޓް ފިހާރައާއި ދުވުން ބާއްވާ ރަށްރަށުން 150ރ. އަށް އެ ޓީޝާޓު ގަންނަން ލިބޭ އިރު، ޓީޝާޓު ވިއްކައިގެން ލިބޭ ފައިސާ ހަދިޔާކުރަނީ ކެންސަރ ސޮސައިޓީއަށެވެ.

ފާާއިތުވި ދެ އަހަރުވެސް އެ ހަރަތާކަށް ވަރަށް ބޮޑު ތަރުހީބެއް ލިބިފައިވާ އިރު، ޕިންކް ރިބަން ވޯކް ކުރިއަށްދާއިރު އުރަމަތީ ކެންސަރަށް ހޭލުންތެރި ކުރުމަށް ޚާއްޞަ މަޢުލޫމާތުތައް އަންނަނީ ފޯރުކޮށްދެމުންނެވެ.