ގޯއެއަރ ގެ ދަތުރުތައް ރާއްޖެއަށް ފަށައިފި

އިންޑިއާގެ ބަޖެޓް އެއަރލައިން ’ގޯއެއަރ‘ ގެ ދަތުރުތައް ފަށައިފިއެވެ.

އިންޑިއާގެ އެތެރޭގެ އުދުހުންތަކުގައި 10 އަހަރުގެ ތަޖުރިބާ އާއެކު ރާއްޖެއަށް ގޯއެއަރގެ ދަތުރުތައް ފަށާފައިވާ އިރު، ރާއްޖެއަކީ އެ އެއަރލައިންގެ ބައިނަލްއަޤްވާމީ ފުރަތަމަ މަންޒިލެވެ.

އިޝްތިހާރު

މި އެއަރ ލައިންގެ ޖީ.އެސް.އޭ އެޖެންޓު ވޮޔޭޖަރސް މޯލްޑިވްސް ޕްރައިވެޓް ލިމިޓެޑުން ބުނީ މުމްބާއީ އާއި މާލެއާދެމެދު ހަފުތާއަކު 3 ފްލައިޓް ބާއްވާނެ ކަމަށެވެ. މިދަތުރުގެ ދެކޮޅު ޓިކެޓް 242 ޑޮލަރަށް ލިބޭ އިރު، ދިއްލީ އާއި މާލެއާދެމެދު ހަފުތާއަކު 2 ފްލައިޓް ބޭއްވުމަށް ވަނީ ނިންމާފައެވެ. މިދަތުރުގެ ދެކޮޅު ޓިކެޓުގެ އަގަކީ 274 ޑޮލަރު ކަމަށެވެ.

އިންޑިއާގެ 5 ވަނައަށް އެންމެ ބޮޑު އެއަރލައިން ގޯއެއަރ ވުޖޫދަށް 2005 ވަނަ އަހަރުގެ ނޮވެމްބަރ މަހު ވުޖޫދަށް އައިސްފައިވާ އިރު، މި އެއަރލައިނުން A320 ގެ ފްލީޓުތައް އަންނަނީ ބޭނުން ކުރަމުންނެވެ. އަދި މި ފްލައިޓުތަކުގައި އިކޮނޮމީ އާއި ބިޒްނަސް ކްލާސް ހިމެނެއެވެ.

މި ފްލައިޓުގެ ބުކިންގސް ހެއްދެވުމަށް ޗާންދަނީ މަގުގައި ހުންނަ ވޮޔޭޖަރސް އޮފީހަށް ވަޑައިގަތުމުން ނުވަތަ 3018866 ނުވަތަ 3018877 ނަމްބަރު ފޯނަށް ގުޅުއްވުމުން ނުވަތަ goair@voyagesmaldives.com އަށް އީމެއިލް ކުރެއްވުމުން ސާފުވެވަޑައިގަންނަވާނެ ކަމަށްވެސް ވޮޔޭޖަރސް އިން މަޢުލޫމާތު ދެއެވެ.

35 އަހަރަށްވުރެ ގިނަދުވަހުގެ ތަޖުރިބާއާއެކު ދިވެހިންގެ އިތުބާރު ލިބިފައިވާ ވޮޔަޖަރސް މޯލްޑިވްސް އިން އެއްފުރާޅެއްގެދަށުން ދަތުރުވެރިންނަށް ބޭނުންވާ ގިނަ ޚިދުމަތްތަކެއް އަންނަނީ ދެމުންނެވެ. އަދި 1980 ވަނަ އަަހަރުން ފެށިގެން ޓްރެވަލް އެންޑް ޓްއަރސް އޮޕްރޭޝަންގެ ދާއިރާގައި އަންނަނީ ހަރަކާތްތެރިވަމުންނެވެ.

ވޮޔަޖަރސް މޯލްޑިވްސް އިން އަންނަނީ ބްރިޓިޝް އެއަރވޭސް، ލުފްތަންޒާ، އަލިޓާލިއާ، ޤަތަރު އެއަރވޭސް، އިތިހާދު އެއަރވޭސް، ބެންގކޮކް އެއަރވޭސް އަދި މޯލްޑިވިއަންގެ ޖީއެސްއޭ އެޖެންޓުކަންވެސް ކުރަމުންނެވެ.