ދިރާގުން ގެލެކްސީ ނޯޓް 9 މާދަމާރޭ ރާއްޖޭގައި ތަޢާރަފު ކުރަނީ..

ދިރާގުން ސެމްސަންގގެ އެންމެ ފަހުގެ ޕްލޭގްޝިޕް ފޯނު، ގެލެކްސީ ނޯޓް 9 ރާއްޖޭގައި ރަސްމީކޮށް ތަޢާރަފްކުރުމަށް ނިންމައިފިއެވެ.

އެކުންފުނިން ބުނީ މިރަސްމިއްޔާތު އޮންނާނީ ހުކުރު ދުވަހުގެ ރޭ ދިރާގު ހެޑް އޮފީހުގައި ކަމަށެވެ. އަދި މި ހަފުލާގައި ދިރާގު މެދުވެރިކޮށް ފޯނުތައް ޕްރީއޯޑަރ ކުރެއްވި ކަސްޓަމަރުންނަށް ފޯނު ހަވާލުކުރެއްވުންވެސް އޮންނާނެއެވެ.

އިޝްތިހާރު

ރާއްޖޭގެ އެކި ކަންކޮޅުތަކުން މި ފޯނު ޕްރީ އޯޑަރ ކުރެއްވި ކަސްޓަމަރުންނަށް އަންނަ ހަފުތާއިން ފެށިގެން އެ ކަސްޓަމަރަކާއި އެންމެ ގާތް ދިރާގު ރީޖަނަލް އޮޕަރޭޝަންސް ސެންޓަރ އަކުން ފަސޭހަކަމާއި އެކު ލިބޭނެ އިންތިޒާމު ދިރާގުން ހަމަޖައްސާފައިވާ ކަމަށްވެސް ދިރާގުން ބުންޏެވެ.

ބާޒާރަށް ނިކުންނަ އެންމެ ފަހުގެ ފްލޭގްޝިޕް ފޯނުތައް، އެންމެ ފުޅާދާއިރާއެއްގައި ރާއްޖެއަށް ތަޢާރަފްކުރާ، އެންމެ ލުއި ފަސޭހަ އިންސްޓޯލްމެންޓް ޕްލޭންތައް ކަސްޓަމަރުންނަށް ފޯރުކޮށްދޭ ކުންފުންޏަކީ ދިރާގު ކަމަށްވާ އިރު، މިފަހަރުވެސް ދިރާގު މެދުވެރިކޮށް ނޯޓް 9 ނެންގެވި ކަސްޓަމަރުންނަށް 6 މަސް ދުވަސް ވަންދެން ކޮންމެ މަހެއްގައި ފަސް ޖީބީގެ ހިލޭ ޑޭޓާ ލިބޭނެއެވެ. އަދި އޭކޭޖީ ބްރޭންޑުގެ ބްލޫޓޫތް ސްޕީކަރެއްވެސް ޕްރީ އޯޑަރ ކުރެއްވި ކަސްޓަމަރުންނަށް ލިބޭނެއެވެ.

ސެމްސަންގ ގެ އެންމެ ފަހުގެ މި ފޯނު އަމިއްލަ ފުޅަށް ޓެސްޓް ކުރުމުގެ އިންތިޒާމު ދިރާގު ހެޑް އޮފީހުގެ އެކްސްޕީރިއަންސް ސެންޓަރގައި މިހާރުވެސް ހަމަޖައްސާފައިވާ އިރު، ދިރާގަކީ ރާއްޖޭގައި ސެމްސަންގގެ އޮތޮރައިޒްޑް ޑިސްޓިރިބިއުޓަަރ އެވެ.

ދިރާގުން 2015 ވަނަ އަހަރުން ފެށިގެން ސެމްސަންގ އާއި ގުޅިގެން ދަނީ ރާއްޖޭގައި ސެމްސަންގ ގެ ފޯނުތައް ރަސްމީ ކޮށް ތަޢާރަފު ކުރަމުންނެވެ.