ޕްލާސްޓިކުގެ ބަދަލުގައި ގިނަފަހަރު ބޭނުންކުރެވޭ ޒާތުގެ އެހެން ހައްލުތައް ބޭނުން..
އެއްފަހަރު ބޭނުންކޮށްފައި އެއްލާލެވޭ ޕްލާސްޓިކުގެ ބަދަލުގައި ގިނަފަހަރު ބޭނުންކުރެވޭ ޒާތުގެ އެހެން ހައްލުތައް ބޭނުންކަމަށް މިނިސްޓަރ ތާރިޤް އިބްރާހިމް ވިދާޅުވެއްޖެއެވެ.
ތިމާވެށީގެ ދުވަހުގެ މުނާސަބާގައި ނެރުއްވި ޚިޠާބުގައި ވިދާޅުވީ ގޭތެރޭ ގައާއި އޮފީސް އަދި އާއްމު ދިރިއުޅުމުގައިވެސް މިފަދަ ހައްލުތަކަށް ސަމާލުކަން ދިނުން މިއަގުބޮޑު ރީތި ވެށީގެ ޙައްޤުގައި ވަރަށް މުހިންމު ކަމަށެވެ. އަދި ޕްލާސްޓިކް ކުނީގެ މައްސަލަ ހައްލުކުރުމަށް އަމިއްލަ ފަރާތްތަކާި ކުންފުނި، މަދަނީ ޖަމިއްޔާ ޖަމާޢަތްތަކުން އިސްނަގައިގެން ގިނަ މަސައްކަތްތަކެއް ކުރަމުން އަންނަކަމަށްވެސް ވިދާޅުވިއެވެ.
އެގޮތުން ރާއްޖޭގެ މަދަނީ ޖަމާޢަތެއް އިސްނަގައިގެން ފާއިތުވި 18 މަސްދުވަހުގެ ތެރޭގައި 893 ޓަނުގެ ޕްލާސްޓިކް ވަނީ ރިސައިކަލް ކުރުމަށް ރާއްޖެއިން ބޭރަށް ފޮނުވާފައި ކަމަށާއި މިފަދަ ކަންކަން ފާހަގަކުރައްވާ ޝުކުރުއަދާ ކުރައްވާ ކަމަށްވެސް މިނިސްޓަރ ތާރިޤް ވިދާޅުވިއެވެ.
މިލިޔުން ކިޔާލުމުން
