މުފްތީ މެންކުގެ “މުސްލިމު ޒުވާނުންނަށް މެސެޖެއް” މިރޭ އައްޑޫސިޓީގައި
މަޝްހޫރު ދީނީ ޢިލްމުވެރިޔާ މުފްތީ އިސްމާއިލް މެންކު، އައްޑޫސިޓީގައި މިރޭ ދަރސް ދެއްވާނެއެވެ.
ޢާންމުކޮށް ހުޅުވާލައިގެން ” މުސްލިމު ޒުވާނުންނަށް މެސެޖެއް” ގެ ނަމުގައި ބާއްވާ މި ދަރުސް އޮންނާނީ ނޫރާނީ ސްކޫލު ހޯލުގައެވެ. ދަރުސް ފަށާނީ މިރޭ 21:15 ގައެވެ.
ދިވެހި ސަރުކާރުގެ ދައުވަތަކަށް ރާއްޖެ ވަޑައިގެން އުޅުއްވާ މުފްތީ އިސްމާއިލް މެންކު ވަނީ މިއަދުގެ ވަގުތެއްގައި އައްޑޫސިޓީއަށް ވަޑައިގެންފައެވެ.
މިއީ އިސްލާމިކް މިނިސްޓްރީއާއި އައްޑޫސިޓީގައި ހަރަކާތްތެރިވާ ދީނީ ތިން ޖަމްޢިއްޔާއެއް ކަމަށްވާ ނޫރުލް އިސްމްއާއި ޖަމްޢިއްޔަތުލް އުލަމާ އަދި ރަބީޢުލް ޤުލޫބް ފައުންޑޭޝަނާއި ގުޅިގެން ބާއްވާ ދަރުހެކެވެ.
ރަމަޟާން މަހުގެ ރޭތައް އިޙްޔާ ކުރުމަށް މާދަމާރޭ އިސްލާމީ މަރުކަޒުގައި ބާއްވާ އިޙްޔާ ޖަލްސާގައިވެސް މުފްތީ މެންކު ދަރުސްދެއްވުމަށް ވަނީ ހަމަޖެހިފައެވެ.