ވަޒީރު ރާފިއު، ތުރުކީގެ ސްޕޯޓްސް މިނިސްޓަރ އާ ބައްދަލުކުރައްވައިފި

އޯ.އައި.ސީ ޔޫތް ކެޕިޓަލް 2026 ޕްރޮގްރާމްގެ ހަވާސާގައި ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާއި ބެހޭ ވަޒީރު ޢަބްދުالله ރާފިއު ތުރުކީގެ ޔޫތް އެންޑް ސްޕޯޓްސް މިނިސްޓަރ ޑރ.އުސްމާން އާޝިން ބަކްއާ ބައްދަލުކުރައްވައިފިއެވެ.

މި ބައްދަލުކުރެއްވުމުގައި، ޒުވާނުންނާއި ކުޅިވަރުގެ ދާއިރާއިން ދެޤައުމުގެ ދެމެދުގައި އެކުވެރިކަން އިތުރުކުރުމާއި، ދެ މިނިސްޓްރީން އެކުގައި މަސައްކަތް ކުރެވޭނެ ގޮތްތަކާ ބެހޭގޮތުން މަޝްވަރާ ކުރެއްވިއެވެ.

އިޝްތިހާރު

ދެ ގައުމުގެ މިނިސްޓްރީން ގުޅިގެން ކުރެވޭނެ ކަންކަން ތަންފީޒު ކުރުމަށް އެކުލަވާލާ އެމްއޯޔޫ އަށް އިސްކަން ދީ، އެ އެމްއޯޔޫގައި ސޮއިކޮށް ވީހާވެސް އަވަހަކަށް ތަންފީޒު ކުރުމަށް މަސައްކަތް ކުރާނެ ކަމަށްވެސް ތުރުކީގެ ސްޕޯޓްސް މިނިސްޓްރީން ހާމަކުރެއެވެ.

މީގެ އިތުރުން ތުރުކީގެ އެންމެ މަތީ ފެންވަރުގެ ޓްރެއިނިން ކޭމްޕުގެ ސަބަބުން ރާއްޖޭގެ އެތުލީޓުންނަށް ތަމްރީނު ހޯދައި މަތީ ފެންވަރުގެ ކޭމްޕުތަކުގައި ބައިވެރިވުމުގެ ފުރުސަތު ފަހިވެގެންދާނެ ކަމަށް ވެސް ތުރުކީގެ ސްޕޯޓްސް މިނިސްޓްރީގެ ބަޔާނުގައި ބުނެފައިވެ އެވެ. މީގެ އިތުރުން ތުރުކީން ބާސްކެޓްބޯޅަ އާއި ވޮލީބޯޅައިގެ ހުނަރު ރާއްޖޭގެ ކޯޗުންނަށް ހޯދައިދީ އެ ހުނަރު އިތުރަށް ތަރައްގީ ކުރުމާއި ގުޅޭގޮތުންވެސް ދެ މިނިސްޓަރުން މަޝްވަރާ ކުރެއްވި އެވެ.

މީގެ އިތުރުންވެސް މި އެމްއޯޔޫގައި ސްޕޯޓްސް ޕާފޯމަންސް އެންޑް ސްޕޯޓްސް ސައިންސް، އެޑަޕްޓިވް ސްޕޯޓްސް އެންޑް ޕެރަލިމްޕިކް ޑިވެލޮޕްމަންޓް، ޔޫތް އިނޮވޭޝަން ހަބްސް، ރީޖަނަލް ޔޫތް އެންޑް ސްޕޯޓްސް ފެސިލިޓީސް، ޑޭޓާ ޑްރައިވިން ގަވަނަންސް، ޔޫތް އެންޑް އެތުލީޓް އެކްސްޗޭންޖް، ސްކޮލަޝިޕްސް، ޕަބްލިކް ހެލްތު އެންޑް ޕްރިވެންޝަން ޕްރޮގްރާމްތައް ހިމެނެއެވެ.

އަދި ދިވެހި ޒުވާނުންނާއި އެތުލީޓުންނަށް އިތުރު ފުރުސަތުތައް ފަހިކޮށްދީ، ކުޅިވަރުގެ ރޮނގުން އިތުރަށް ކުރިއަރައި ކާމިޔާބީ ހޯދުމަށް ގުޅިގެން މަސައްކަތް ކުރުމަށް ދެ ފަރާތުން ވެސް ވަނީ އެއްބަސްވެފަ އެވެ.