ގދ. ގައްދޫގައި ނަރުދަމާ ނިޒާމު ޤާއިމްކުރުމުގެ މަސައްކަތް ފަށައިފި.
ގދ.ގައްދޫގެ ނަރުދަމާ ނިޒާމް ޤާއިމުކުރުމުގެ މަސައްކަތް ރަސްމީކޮށް މިއަދު ފަށައިފިއެވެ.
މިކަމަށް ޚާއްޞަ ކޮށްގެން މިއަދު ހަވީރު އެ ރަށުގައި ބޭއްވި ރަސްމިއްޔާތަކަށް ފަހު ނަރުދަމާ ނިޒާމް ގާއިމް ކުރުމުގެ އަމަލީ މަސައްކަތް ފަށާފައިވާއިރު ރަސްމީކޮށް މި މަސައްކަތް ފައްޓަވައިދެއްވީ އެންވަޔަރަމެންޓް މިނިސްޓަރ ތޯރިގު އިބްރާހިމްއެވެ.
މި މަސައްކަތް ކުރިޔަށް ގެންދަނީ މާލެ ވޯޓަރ އެންޑް ސްވަރޭޖް ކޮމްޕެނީ (އެމްޑަބްލިވްއެސްސީ) އާއި ހަވާލުކޮށްގެންނެވެ.
ރާއްްޖޭގެ އެކި ކަންކޮޅުތަކުގައި މިފަދަ އެތަކެއް މަޝްރޫއުތަކެއް ދިވެހި ސަރުކާރުން ފައްޓައިގެން ކުރިޔަށްގެންދާއިރު މިމަޝްރޫޢުއަށް މަދުވެގެން 40 މިލިއަނަށް ވުރެ ގިނަ ރުފިޔާ ހަރަދުވާނެކަމަށް އެންވަޔަރަމެންޓް މިނިސްޓްރީން މައުލޫމާތުދެއެވެ.
40 މިލިއަން ރުފިޔާ ޚަރަދުވާނެކަމަށް ބެލެވިފައިވާ މި މަޝްރޫޢަކީ ދިވެހި ސަރުކާރާއި އޯޕެކް ފަންޑް ފޯ އިންޓަރނޭޝަނަލް ޑިވެލޮޕްމަންޓް (އޮފިޑް) ލޯން އެހީގެ ދަށުން ކުރިއަށްގެންދާ މަޝްރޫޢެކެވެ.
އަދި މިމަޝްރޫޢުގެ ދަށުން 8 ކިލޯމީޓަރުގެ ނަރުދަމާ ވިއުގައެއް ޤާއިމްކުރެވޭނެކަމަށާއި މި މަޝްރޫޢު ނިމޭއިރު ނަރުދަމާގެ ޚިދުމަތް ޤާއިމްވެ 708 ގޭބިސީތަކާއި އެހެނިހެން ޢިމާރާތްތަކުގައި ގުޅައި ދެވޭނެކަމަށްވެސް އެންވަޔަރަމެންޓް މިނިސްޓްރީން ބުނެއެވެ.