އެސްޓީއޯއިން ފިލިޕްސް ލައިޓްސް ތައާރަފްކޮށްފި

ދުނިޔޭގެ ނަންބަރ ވަން ލައިޓްސް ބްރޭންޑް، ފިލިޕްސް ލައިޓްސްގެ ރާއްޖޭގެ އޮތޮރައިޒްޑް ޑިސްޓްރިބިއުޓަރަކަށް އެސްޓީއޯ ހޯމްއިމްޕްރޫވްމަންޓް ހަމަޖައްސައިފިއެވެ.

އެސްޓީއޯއިން މަޢުލޫމާތު ދިން ގޮތުގައި މިހާރު އެސްޓީއޯ ހޯމްއިމްޕްރޫވްމަންޓުން ލިބެން ހުންނާނީ ހޯމް ޔޫސް އަށް ބޭނުން ކުރެވޭ އެލްއީޑީ އަދި ސީއެފްއެލްގެ ފިލިޕްސް ލައިޓްސް ތަކެވެ.

އިޝްތިހާރު

އިންޑަސްޓްރިއަލް، އޮފީސް، ޑެކަރޭޓިވް އަދި އައުޓްޑޯ ގައި ބޭނުން ކުރެވޭ ކޮލިޓީ ފިލިޕްސް ލައިޓްގެ ތަފާތު ވައްތަރުތައް ކުރިއަށް އޮތް ތިންމަސް ދުވަސް ތެރޭގައި ލިބެންހުންނާނެކަމަށް އެސްޓީއޯ އިން މަޢުލޫމާތު ދެއެވެ. ފިލިޕްސް ބްރޭންޑްގެ ލެޑް ލައިޓަށް އިންޓަރނޭޝަނަލް ދެ އަހަރު ދުވަހުގެ ވޮރަންޓީ ދެއެވެ.

ފިލިޕްސް ލައިޓްސް ގެ ސަބަބުން ކަސްޓަމަރުނަށް ދިމާވާ އަލީގެ މައްސަލަ ހައްލުވެ، ފިލިޕްސް ބްރޭންޑް ގެ ލައިޓް އިން ހައްލު ލިބިގެން ދާނެކަމަށް އެސްޓީއޯއިން މަޢުލޫމާތު ދެއެވެ. ދުނިޔޭގެ ބޮޑެތި ސްޓޭޑިއަމްތަކުގައި %90 ބޭނުންކުރަނީ ފިލިޕްސް ލައިޓްސްއެވެ.