މައިންބަފައިންނަށް އިޙްތިރާމްކުރުން 04

އަހަރުމެން ދިވެހިންގެ ނަސީބު ރަނގަޅުކަމުން އަހަރުމެންގެ ތެރެއިން ގިނަ މީހުންނަކީ މުސްލިމުންނެވެ. އަދި އިސްލާމް ދީނަށް ލޯބިކުރާ އެއަށް ޢަމަލުކުރާ ބައެކެވެ.

ކާބަފައިން އަހަރުމެނާ ހަމައަށް އިސްލާމް ދީން ގެނެސްދިނީ ވަރަށް ބޮޑު ޤުރްބާނީއެއް ވެގެން ނެވެ. ނަމަވެސް ދުނިޔޭގެ އެތައް މިތާ އެކި ދީންތައް އޮތުމުން އެއް ޢިލާއެއްގެ ތެރޭގައިވެސް އެތައް ދީންތަކެއް އޮތުމުން ބޮޑެތި ހަމަނުޖެހުން އިތުރުވެއެވެ. އަދި ބައެއް މީހުންނަކީ ފަހުން އިސްލާވާ މީހުން ކަމުން އެމީހުންގެ މައިބަފައިންނަށް އިޙްތިރާމް ކުރުންވަނީ އޮޅުންގަނޑެއްގެ ތެރޭގައެވެ.

އިޝްތިހާރު

އަސްމާ ބިންތި އަބީ ބަކުރު ރަޟިޔަﷲ ޢަންހާގެ މަންމަ (އޭރު މުސްލިމެއް ނޫން) އެކަމަނާއަށް ޒިޔާރަތްކުރުމުން، އެކަމަނާއާ ގުޅުން ބާއްވަންވީތޯ ރަސޫލާއާ ސުވާލުކުރެއްވި އެވެ.

ރަސޫލާ އިރުޝާދު ދެއްވީ މަންމައާ ގުޅުން ބޭއްވުމަށެވެ. މީގެން އެނގެނީ މައިންބަފައިންނަށް ހެޔޮކޮށް ހިތުމަކީ އެމީހުންގެ ދީނާ ގުޅިފައިވާ ކަމެއް ނޫން ކަމެވެ.

ދީނުގައި ނަހީކުރައްވާފައިވާ ކަމެއްގައި މެނުވީ، މުސްލިމް ނޫން މައިންބަފައިންނަށްވެސް އޯގާތެރިވެ، މާލީ އެހީތެރިކަންދީ، އިޙްތިރާމާއެކު މުޢާމަލާތްކުރަން ޖެހޭނެ އެވެ.

ނުނިމޭ…