ގެސްޓް ހައުސެއްގެ ކޮޓަރިއެއްތެރޭގައި ޒަހަމުކޮށްލާފައި އޮތް މީހަކު ފެނިއްޖެ
ގެސްޓް ހައުސެއްގެ ކޮޓަރިއެއްތެރޭގައި ޒަހަމުކޮށްލާފައި އޮތް މީހަކު ފެނިއްޖެއެވެ.
ފުލުހުން މިއަދު ބުނެފައިވަނީ މާފަންނުގެ ގެސްޓް ހައުސްއެއްގެ ކޮޓަރިއެއްގައި އުޅޭ މީހަކު ހަބަރެއް ނުވާކަމަށް ލިބުނު މައުލޫމާތާއި ގުޅިގެން މިއަދު ފުލުހުން އެތަނަށް ގޮސްފައިވާ ކަމަށެވެ.
އިޝްތިހާރު 
ފުލުހުން ގޮސް އެ ކޮޓަރިއަށްވަދެ ބެލިއިރު ޒަހަމުތަކަކާއެކު އޮތް މީހަކު ފެނިފައިވާ ކަމަށާއި އެެއީ 27 އަހަރުގެ ދިވެހި ފިރިހެނެއް ކަމަށް ފުލުހުން މައުލޫމާތު ދީފައިވެއެވެ.
މި ހާދިސާއާ ގުޅިގެން ޒަޚަމްވެފައިވާ ފަރާތް ވަނީ އައި.ޖީ.އެމް.އެޗަށް ގެންގޮސްފައިވާ ކަމަށާ އޭނާއަށް ފަރުވާ ދެމުންދަނީ އައިސީޔޫގައި ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުންޏެވެ.
މި ހާދިސާގެ ސީންގައި ފުލުހުން މިހާރު ހަރަކާތްތެރިވަމުންދާ ކަމަށްވެސް މައުލޫމާތު ދީފައިވެއެވެ.
މިލިޔުން ކިޔާލުމުން
