މާފަންނުގެ ގެއެއްގައި މަރުވެފައި އޮތް މީހަކު ފެނިއްޖެ
ފުލުހުން މައުލޫމާތު ދޭގޮތުގައި މާފަންނު ގެއެއްގެ ގްރައުންޑް ފްލޯގައި މަރުވެފައި އޮއްވާ ފެނިފައިވަނީ ފިރިހެނެކެވެ. އޭނާ މަރުވެފައި އޮތްކަމުގެ ރިޕޯޓް ފުލުހުންނަށްލިބިފައިވަނީ މިއަދު މެންދުރު 14:20 އެހާކަން ހާއިރެވެ.
އެ މީހާ ފެނިފައިވަނީ މާފަންނު ރަބީއުވިލާ ގެއިންނެވެ. ފުލުހުން އަންނަނީ ސީންގައި ހަރަކާތްތެރިވަމުންނެވެ.
މިދިޔަ ބުދަ ދުވަހު ވެސް ހުޅުމާލޭގައި ވޭނެއް ތެރޭގައި ބިދޭސީއަކު މަރުވެފައި އޮއްވައި ފެނިފައިވެއެވެ. އެ މީހާގެ މަރުގައި ތުހުމަތުކުރެވޭ ކަންތައްތަކެއް ނެތް ކަމަށް ފުލުހުން މީގެ ކުރިން ވަނީ މައުލޫމާތު ދީފައެވެ.
އޭގެކުރިން މި މަހުގެ 13 ވަނަ ދުވަހުވެސް ބަނޑޭރިކޮށީގެ އެޕާޓްމަންޓެއްގައި މަރުވެފައި އޮތް 30 އަހަރުގެ ދިވެހި ފިރިހެނެެއް ވެސް ވަނީ ފެނިފައެވެ.
އޭނާގެ މަރުގެ މައްސަލަ ތަހުގީގު ކުރުމަށް ފުލުހުން އަންނަނީ ހަށިގަނޑުގެ އޮޓޯޕްސީއެއް ހެދުމުގެ މަސައްކަތް ކުރަމުންނެވެ.
މިލިޔުން ކިޔާލުމުން
