ޖާބިރު ކިނބިގަސްދޮށުގެއަށް ގެއްލުން ދިން މައްސަލަ ބަލަނީ

ކާށިދޫ ދާއިރާގެ މެމްބަރު އަބްދުﷲ ޖާބިރު މއ. ކިނބިގަސްދޮށުގެއަށް ގެއްލުންދިން މައްސަލަ ފުލުހުން ތަހުގީގު ކުރަން ފަށައިފި އެވެ.

ކުރީގެ ރައީސް މައުމޫން އަބްދުލް ގައްޔޫމްގެ ގެކޮޅު ކަމުގައިވާ ކިނބިގަސްދޮށުގެއަށް ޖާބިރު ގެއްލުން ދިނީ މައުމޫން އޭނާ އަތުން ނަގާފައިވާ ލޯނު ނުދައްކަވާ ކަމަށް ބުނެ އެވެ. ޖާބިރު ވިދާޅުވަނީ އެ ލޯނު ނަގާފައިވަނީ ކިނބިގަސްދޮށުގެ ރަހުނު ކުރުމަށް ފަހުގައި ކަމަށެވެ.

އިޝްތިހާރު Navee1 jpg

ފުލުހުން މިރޭ ބުނީ އެ ގޭގައި ހުރި ބައެއް ތަކެއްޗަށް ގެއްލުންދިން މައްސަލައެއް ފުލުހުންގެ ސަމާލުކަމަށް އައިސްފައިވާ ކަމަށެވެ.އެހެންވެ އެ މައްސަލަ އާއި ގުޅިގެން ބަލަން ޖެހޭ ކަންކަން ބަލަމުންދާ ކަމަށް ބުންޏެވެ.

އިޝްތިހާރު

ޖާބިރު އެގޭ ކައިރިއަށް ވަޑައިގެން މިއަދު ވަނީ ބަޔާނެއްް ދެއްވުމަށްފަހު ވަރަށް ހިތްޕުޅުހަމަޖެހިވަޑައި ނުގަތް ހުންނަވާ އެގޭ ފާރާއި ދޮރުއައްޓަށް އަރާފައި އޮތް ވެޔޮގަނޑަކަށް ދަމާފަ އެވެ. އިތުރު ގެއްލުމެއް ދިން ކަމެއް ނޭނގެ އެވެ.

ޖާބިރު އެތާ ހުންނަވައި ވިދާޅުވީ އޭނާ ހުރީ އެ ގެއާއި ހަވާލުވެވަޑައިގެން ކަމަށެވެ. އެހެން ކަންތައް ކުރެއްވީ ޝަރުއީ ދާއިރާއިން އޭނާއަށް އެ މައްސަލައިގަ އިންސާﷲު ނުލިބުމުން އަމިއްލައަށް އިންސާފުު ހޯދުމުގެ ގޮތުން ކަމަށް ވިދާޅުވި އެވެ.

މިދިޔަ ރިޔާސީ ކެމްޕެއިންގެ ދުވަސްވަރު މައުމޫނަށް ދެއްވި ކަމަށް ބުނާ 29 މިލިއަން ރުފިޔާ ހޯއްދަވަން މައުމޫނާއި ދެކޮޅަށް ޖާބިރު ސިވިލް ކޯޓަށް މައްސަލަ ވެސް ހުށަހެޅުއްވިއެވެ. އެކަމަކު، ޖާބިރު ކުރެއްވި އެ ދައުވާ ސާބިތު ނުވާ ކަމަށް ސިވިލް ކޯޓުން ހުކުމްކޮށްފައި ވަނީ މިދިޔަ އޭޕްރީލް މަހުގެ އަށް ވަނަ ދުވަހުއެވެ.

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


ގުޅުން ހުރި ލިޔުންތައް

Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.