ޚަބަރު ފީތާ

މިއަދު ކޮވިޑް-19 އަށް ޕޮސިޓިވްވީ 125 މީހުން

ރާއްޖެއިން އިތުރު 125 މީހުން ކޮވިޑް-19 އަށް ޕޮސިޓިވްވެފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.

މިއަދު ކޮވިޑަށް ޓެސްޓު ކޮށްފައިވަނީ 5،449 ސާމްޕަލެވެ.

އެޗްޕީއޭއިން ބުނީ އޭގެ ތެރެއިން މިއަދު އެންމެ ގިނަ މީހުން ޕޮސިޓިވްވީ އަތޮޅުތެރެއިން ކަމަށެވެ. އެގޮތުން އަތޮޅުތެރެއިން 91 މީހުން ޕޮސިޓިވްވެފައިވާއިރު މާލެއިން 26 މީހުން ޕޮސިޓިވްވެފައިވާ ކަމަށް އެޗްޕީއޭއިން ބުންޏެވެ.

ރިސޯޓުތަކުން ކޮވިޑް ޖެހިފައިވަނީ އަށް މީހުންނަށެވެ.

މިވަގުތު ކޮވިޑަށް ފަރުވާދެމުން ދަނީ 2،459 މީހުންނަށެވެ. އޭގެ ތެރެއިން ހޮސްޕިޓަލުގައި އެޑްމިޓް ކޮށްގެން ފަރުވާ ދެމުން ދަނީ 16 މީހުންނަށެވެ.

ކޮވިޑް ޖެހުނު މީހުންގެ ތެރެއިން ބަލިން ރަނގަޅުވި މީހުންގެ އަދަދު ވަނީ 75،065 އަށް އަރާފައި އެވެ. އަދި ބަލީގައި މިހާތަނަށް މަރުވެފައިވަނީ 222 މީހުންނެވެ.

މިހާތަނަށް ރާއްޖެއިން ކޮވިޑް-19 އަށް ޕޮސިޓިވްވެފައިވަނީ 77،758 މީހުންނެވެ.

Like
Like Love Haha Wow Sad Angry