ޚަބަރު ފީތާ

މާލެ އާއި ހުޅުމާލޭގެ އެކި ސަރަހައްދުތަކުން މިއަދު ވެސް ކަރަންޓު ކެނޑުން އެކަށީގެންވޭ: ސްޓެލްކޯ

މާލެ އާއި ހުޅުމާލޭގެ އެކި ސަރަހައްދުތަކުން މިއަދު ވެސް ކަރަންޓު ކެނޑުން އެކަށީގެންވާ ކަމަށް ސްޓެލްކޯ އިން ބުނެފި އެވެ.

އެ ކުންފުނިން ބުނީ ގްރޭޓަރ މާލެ ގްރިޑްގެ ދެވަނަ ސަރކިޓްގެ މަސައްކަތް މިއަދުވެސް ހަވީރު 5 ޖަހަންދެން ކުރާނެ ކަމަށެވެ. އަދި މި މަސައްކަތް ކުރިޔަށްދާ ވަގުތުތަކުގައި މާލެއާއި ހުޅުމާލެއިން ކަރަންޓު ކެނޑުމުގެ ފުރުސަތު އޮތް ކަމަށެވެ.

މާދަމާ އާއި ހޮނިހިރު ދުވަހު ވެސް ގްރޭޓަރ މާލެ ގްރިޑްގެ މަސައްކަތް ކުރާގޮތަށް މިހާރު ހަމަޖައްސާފައިވާ ކަމަށާއި މިއީ ކުރިން އެ މަސައްކަތްކުރަން ރާވާފައިވާ ދެ ދުވަސް ނޫން ކަމަށް ވެސް ސްޓެލްކޯ އިން ބުނެ އެވެ. އަދި މި ދެދުވަހުވެސް ހުޅުމާލެއާއި، މާލެއިން ކަރަންޓު ކެނޑުމުގެ ފުރުސަތު އޮންނާނެ ކަމަށެވެ.

ސްޓެލްކޯ އިން ބުނީ ޓެކްނިކަލް މައްސަލައެއް އިތުރަށްދިމާނުވާ ނަމަ، މިމަހުގެ 24 ވާ ހޮނިހިރު ދުވަހު މި މަސައްކަތުގެ އެއްކޮށް ނިންމާލެވޭނެ ކަމަށެވެ.

މި މަސައްކަތް ކުރަމުން ދަނިކޮށް އިއްޔެ ވެސް ވަނީ މުޅި މާލެއިން ކަރަންޓު ކެނޑިފަ އެވެ. ނަމަވެސް މައްސަލަ ހައްލުކޮށް ދޮޅުގަޑިއެއްހާ އިރުގެ ތެރޭގައި މުޅި މާލެއަށް ވަނީ ކަރަންޓު ދީފަ އެވެ.

Like
Like Love Haha Wow Sad Angry

މިލިޔުމަށް ޚިޔާލު ފޮނުވާ "މާލެ އާއި ހުޅުމާލޭގެ އެކި ސަރަހައްދުތަކުން މިއަދު ވެސް ކަރަންޓު ކެނޑުން އެކަށީގެންވޭ: ސްޓެލްކޯ"

ޚިޔާލު ފާޅުކުރައްވާ

އީމެއިލް އެޑްރެސް ހާމަ ނުކުރާނެ.