ޣައްޒާގައި ހުންނަ އަލްޖަޒީރާ އޮފީސްތައް ހުންނަ އިމާރާތް ގޮއްވާލައިފި

ޣައްޒާގައި ހުންނަ އަލްޖަޒީރާގެ އޮފީސް ހިންގާ އިމާރާތަށް އިސްރާއީލުގެ އުދުވާނީ ބާރުތަކުން މިސައިލް ހަމަލަދީ، ބިމާ ހަމަކޮށްލައިފިއެވެ.

ޣައްޒާގެ ވެރިރަށް ޣައްޒާ ސިޓީގެ މެދުތެރޭގައި، އާންމުން ދިރިއުޅޭ އެތައް އިމާރާތެއްގެ ކައިރީގައި ހުރި މި އުސް އިމާރާތަށް ހަމަލާދީ ބިމާ ހަމަކޮށްލާފައިވަނީ މީގެ ކުޑަ އިރުކޮޅެއް ކުރިންނެވެ.

އިޝްތިހާރު

އަލްޖަޒީރާ ހިމެނޭގޮތަށް ބައިނަލްއަގުވާމީ ގިނަ މީޑިއާތަކެއްގެ އޮފީސް ހުންނަ މި އިމާރާތަށް އިޒްރޭލުން ވައިގެ ހަމަލާތަކެއް ދީ ބިމާ ހަމަކޮށްފައިވަނީ މިއަދުގެ ވަގުތެއްގައެވެ. އަލްޖަޒީރާގައި ރިޕޯޓު ކޮށްފައިވާ ގޮތުން މި ހަމަލާގައި މުޅި އިމާރަތް ވަނީ ފުނޑުފުނޑުވެ ބިމާ ހަމަވެފައެވެ. މި އިމާރާތުގައި ގިނަ އޮފީސްތަކަކާއި އެޕާރޓްމަންޓުތަކެއް ހިމެނެއެވެ.

އެ އިމާރާތަށް އިސްރާއީލުން ހަމަލާދިން މަންޒަރާއި، މުޅި އިމާރާތް އަރިއަޅާލައިގެން ވެއްޓޭ މަންޒަރުތައް ދައްކުވައިދޭ ވީޑިއޯ ސޯޝަލް މީޑިއާގައި އާންމުވެފައި ވެއެވެ.

މި މަންޒަރު ވަރަށް ގާތުން ދުއް އަލްޖަޒީރާ ނޫސްވެރިޔަކު ކިޔައިދިން ގޮތުގައި އެ އިމާރާތަށް އިޒްރޭލްގެ ޒަޔަބިސްޓުން ހަމަލާ ދިންއިރު އޭނާ ހުރީ އެ އިމާރާތާއި ދާދި ގާތުގައެވެ. އޭނާ ބުނި ގޮތުގައި އިމާރާތް ބިމާއި ހަމަވާން ސިކުންތުކޮޅެއް ވެސް ނުނަގައެވެ.

އިސްރާއީލުން މެދުކެނޑުމެެއްނެތި ގާޒާއަށް ވައިގެ މަގުންނާއި އެއްގަމު މަގުން އަދި ކަނޑު މަގުން ދެމުން ގެންދާ ހަމަލާތަކުން ސަލާމަތްވުމަށް ގެދޮރު ދޫކޮށްދާން ފަލަސްތީނުގެ 10،000ށް ވުރެ ގިނަ މީހުންނަށް ޖެހިފައިވާކަމަށް އދ.ން ވަނީ ބުނެފައެވެ.

އަދި އިޒްރޭލުން ދެމުންގެންދާ މިހަލާތަކުގައި 139 މީހަކު މަރުވެފައިވާއިރު، އޭގެ ތެރޭގައި 39 ކުޑަކުދިންނާއި، 22 އަންހެނުން ހިމެނެއެވެ.