އަންނަ ހަފުތާގައި ބޭންކުތަކުން ޚިދުމަތް ދޭ ދުވަސްތައް އިޢުލާންކޮށްފި
އަންނަ ހަފުތާގައި ބޭންކުތަކުން ޚިދުމަތް ދޭ ދުވަސްތައް މޯލްޑިވްސް މަނިޓަރީ އޮތޯރިޓީން އިޢުލާންކޮށްފި އެވެ.
އެމްއެމްއޭ އިން ބުނީ އަންނަ ހަފްތާގައި އެމްއެމްއޭ އާއި ބޭންކުތަކުން ޚިދުމަތް ދޭނީ ތިން ދުވަހު ކަމަށެވެ.
އެގޮތުން ބޭންކުތަކާއި އެމްއެމްއޭ އިން ޚިދުމަތްދޭނީ ހޯމަ، އަންގާރަ އަދި ބުދަ ދުވަހު ކަމަށް އެމްއެމްއޭ އިން ވަނީ ބުނެފަ އެވެ. އަދި އެމްއެމްއޭއިން ބުނީ މި ދުވަސްތަކުގައި އެތަނުން ފައިސާ ބަލައިގަނެ، ދޫކުރުމުގެ ހިދުމަތާއި ސިޓީ ބަލައިގަތުމުގެ ޚިދުމަތް ދޭނީ ހެނދުނު 9:30 އިން މެންދުރު 12:00 އަށް ކަމަށެވެ.
މި ވަގުތުތަކުގައި ޚިދުމަތް ދޭނީ މިހާރު ވެސް ދެމުން އަންނަ ގޮތަށް އެޕޮއިންޓްމަންޓަށް ކަމަށް އެމްއެމްއޭ އިން ބުންޏެވެ.
މި ދުވަސްތަކުގައި ޚިދުމަތް ދިނަސް، ކޮވިޑް-19 އާއި ގުޅިގެން ރައްކާތެރިކަމުގެ ފިޔަވަޅެއްގެ ގޮތުން އޮންލައިންކޮށް ހޯދެން ހުރި ޚިދުމަތްތައް ބޭންކާއި އެމްއެމްއޭއަށް ނުގޮސް ޚިދުމަތް ހޯދުމަށް އެމްއެމްއޭ އިން ވަނީ އިލްތިމާސް ކޮށްފަ އެެވެ.
މިލިޔުން ކިޔާލުމުން
