އިޒްރޭލުން ޣައްޒާއަށް 40 މިނެޓުގެ ތެރޭގައި 450 މިސައިލް ފޮނުވާ: ރިޕޯޓު
އިޒްރޭލުން ފަލަސްތީނުގެ ޣައްޒާއަށް އަމާޒުކޮށް މިހާރު ދެމުންގެންދާ ޙަމަލާތަކުގައި 40 މިނެޓުގެ ތެރޭގައި 450 މިސައިލް ފޮނުވާ ކަމަށް ރިޕޯޓުތައް ބުނެފި އެވެ.
ރިޕޯޓުތައް ބުނާގޮތުން އެ 40 މިނެޓުގެ ތެރޭގައި 150 ތަނަށް އަމާޒުކޮށް މިސައިލް ފޮނުވާ ކަމަށެވެ.
އިސްރާއީލްގެ އަސްކަރިއްޔާގެ ތަރުޖަމާން އަވިޗޭ އަޑްރައީ އާ ޙަވާލާދީ ރިޕޯޓުތައް ބުނެފައިވަނީ މި ޙަމަލާތައް މިހާރަށް ވުރެ އިތުރުކޮށް، ވަރުގަދަ ކުރުމަށް ވެސް ނިންމާފައިވާ ކަމަށެވެ.
ފަލަސްތީނުގެ ހެލްތު މިނިސްޓްރީ އާ ޙަވާލާދީ ރިޕޯޓުތައް ބުނެފައިވަނީ އިޒްރޭލުން ދެމުންގެންދާ ޙަމަލާތަކުގައި ޝަހީދުވި މީހުންގެ ޢަދަދު ވަނީ މިހައިތަނަށް 100 އިން މައްޗަށް އަރާފަ އެވެ. އަދި އޭގެތެރޭގައި 31 ކުޑަކުދިންނާއި 19 އަންހެނަކުވެސް ހިމެނޭ ކަމަށް ބުނެފައި ވެއެވެ.
މީގެ އިތުރުން ޒަޚަމް ލިބެމުންދާ މީހުންގެ ޢަދަދު ހާހަކަށް އަރަން ގާތްވެފައިވާ ކަމަށް ވެސް ރިޕޯޓުތައް އަންނަނީ ބުނަމުން ނެވެ.
މިލިޔުން ކިޔާލުމުން
