ބޮމުގެ ހަމަލާޔާ ގުޅިގެން ފިލައިގެން އުޅުނު މީހާ އެންމެފަހުން ހައްޔަރުކޮށްފި
ރާއްޖޭގެ ޤާނޫނޫ ހަދާ މަޖިލީހުގެ ރައީސް މުޙައްމަދު ނަޝީދަށް އަމާޒުކޮށް ދިން ބޮމުގެ ހަމަލާގައި، ބޮން ގޮއްވާލިކަމަށް ތުހުމަތު ކުރެވޭ މީހާ ހައްޔަރުކޮށްފިއެވެ.
މި މީހާ ހައްޔަރުކޮށްފައިވަނީ ހުޅުމާލެއިންނެވެ.
ފުލުހުން ވަނީ ރައީސް ނަޝީދަށް ދިން ހަމަލާ އާއި ގުޅިގެން ތިންވަނަ މީހަކު ހައްޔަރު ކޮށްފައިވާކަން ކަށަވަރު ކޮށްދީފައެވެ.
ފުލުހުން ހައްތަރުކޮށްފައި މިވަނީ ރައީސް ނަޝީދަށް ހަމަލާ ދިން ވަގުތު އެ ސަރަހައްދުގައި އޭރު އަތަމާ ޕެލެސްގެ ސީސީޓީޖީ ފުޓޭޖާއި ބާ އިންޖީނުގޭ ހުންނަ މަގުގައި ހުންނަ ސިސީޓީޖީ ފުޓޭޖަކަށް މަންޒަރު އަރާފައިވާކަމަށް ބުނެ ފޮޓޯތައް ސޯޝަލް މީޑިއާގައި ދައުރުވި މީހާއެވެ.
ސޯޝަލް މީޑިއާގައި އާންމުވި ފޮޓޯތަކުން ފެން ަގޮތުގައި މިމީހާ ބާއިންޖީނުގޭ މަގުން ދުވެފައިދާތަން ފެނެއެވެ. ސީސީޓީވީ ފްޓޭޖަށް އޭނާގެ މަންޒަރުތައް އަރާފައި ހުރިއިރު، އޭނާ ހުރީ މާސްކް އަޅައިގެނެވެ.
ފުލުހުން ވަނީ އިއްޔެ ބޭއްވި ނޫސްވެރިންގެ ބައްދަލުވުމުގައި ރައީސް ނަޝީދަށް ހަމަލާ ދިން ވަގުތުގެ ސީސީޓީވީ ފުޓޭޖާއި މި މީހާގެ ފޮޓޯތައް އާންމުކޮށްފައެވެ.
ހުޅުމާލޭގައި މި މީހާ ދިރިއުޅޭ އެޕާޓްމަންޓުން ހައްޔަރުކޮށްގެން ނެރެގެން ގެންދާ ފޮޓޯތައް ސޯޝަލް މީޑިއާގައި ހާމަވެފައިވާއިރު މިއީ، ފުލުހުން އިއްޔެ ހާމަކުރި ފޮޓޯގައި ހިމެނޭ މީހާ ކަމަށް ފުލުހުން ބުނެއެވެ.
މިލިޔުން ކިޔާލުމުން
