ރައީސް ނަޝީދުގެ ގޮހޮރުވަނީ ފޫގޮސްފަ: އޭޑީކޭ
ރައީސް ނަޝީދުގެ ހަށިކޮޅަށް އަމާޒުކޮށް މި މެއި މަހުގެ 6 ވީ ބުރާސްފަތިދުވަހުގެރޭ ދިން ނުރައްކާތެރި ބޮމުގެ ހަމަލާގައި އެމަނިކުފާނުގެ ގޮހޮރުވަނީ ފޫގޮސްފައި ކަމަށް އޭޑީކޭ އިން ބުނެފި އެވެ.
އެމަނިކުފާނުގެ ހާޅުކޮޅާއިގުޅޭގޮތުން އޭޑީކޭގެ ޑޮކްޓަރުންގެ ޓީމުން ނޫސްވެރިންނަށް މަޢުލޫމާތު ދެއްވަމުން ބުނީ ރައީސް ނަޝީދުގެ ގޮހޮރުވަނީ ފޫގޮސްފައި ކަމަށާއި މިއީ ވަރަށް ނުރައްކާތެރިކަމެއް ކަމަށެވެ.
“ މިފަދަ ޙާލަތްތަކުގައި ޢާއްމުކޮށް ބަނޑު ތެރެއަށް ނަޖިސް ލީކުވެ އިންފެކްޓްވާގޮތް މެދުވޭ. އެހެންނަމަވެސް ރޯދަ މަސް ކަމުން ރައީސް ނަޝީދުގެ ގޮހޮރު ވަރަށް ބޮޑަށް ހުސްކޮށް އޮތުމުން މާބޮޑަށް ބަނޑު ތެރެއަށް ނަޖިސް އެޅިފައެއް ނުވޭ.“ ޑޮކްޓަރުންގެ ޓީމުން ބުންޏެވެ.
ނަމަވެސް އަދިވެސް އެކަމުގެ ނުރައްކާ ކޮންމެވެސްވަރަކަށް އެބައޮތްކަމަށް ޑޮކްޓަރުން ވަނީ ބުނެފަ އެވެ.
މީގެ އިތުރުން ރައިސް ނަޝީދަށް ހަމަލާދޭން ބޭނުންކުރި އައިއީޑީގައި ހުރި ރޭޒާފުއްތަކާއި ދަގަނޑު އެތިކޮޅުތަކުން އެތައްބައެއް އެމަނިކުފާނުގެ މޭފުޅާއި ބަނޑުފުޅުގެ އިތުރުން ހަށިގަނޑުގެ އެތަންމިތަނަށް ހެރިފައިވާ ކަމަށް ވެސް ޑޮކްޓަރުންގެ ޓީމުން ބުންޏެވެ. އަދި އޭގެ ސަބަބުން މޭކަށިގަނޑުގެ ބައެއް ރިބުތައް ފުނޑުފުނޑުވެ، އެތެރެހަށީގެ ބައެއް ގުނަވަންތަކާއި ހަށިގަނޑަށްވެސް ބޮޑެތި އަނިޔާތަކެއް ލިބިފައިވާ ކަމަށް ވެސް ވަނީ ބުނެފަ އެވެ.
މިލިޔުން ކިޔާލުމުން
