ރައީސް ނަޝީދަށް ހަމަލާ ދިން މައްސަލާގައި ތިން ވަނަ މީހަކު ހައްޔަރުކޮށްފި

ރައްޔިތުންގެ މަޖިލީހުގެ ރައީސް، ރާއްޖޭގެ ކުރީގެ ރައީސް މުޙައްމަދު ނަޝީދަށް އަމާޒުކޮށް ހަމަލާ ދިން މައްސަލާގައި އެކަމަށް ތުހުމަތު ކުރެވޭ އިތުރު މީހަކު ހައްޔަރުކޮށްފިއެވެ.

ރައީސް ނަޝީދަށް ހަމަލާދިން ކަމަށް ތުހުމަތުކުރެވޭތިންވަނަ މީހާ ހައްޔަރުކުރިއިރު، މިކަމާއި ގުޅުހުން ހުރިކަމަށް ތުހުމަތުކުރެވޭ ދެމީހުން މީގެ ގަޑިއެއްހާއިރު ކުރިން ވަނީ ހައްޔަރުކޮށްފައެވެ. މިމީހާވެސް ހައްޔރު ކޮށްފައިވަނީ ކުރިން ހައްޔަރު ކުރި ދެމީހުންވެސް ހައްޔަރުކުރި ސަރަހައްދުން ކަމަށް މައުލޫމާތު ލިބެއެވެ.

އިޝްތިހާރު

މައުލޫމާތު ލިބުނު ގޮތުގައި ކުރިން ހައްޔަރުކުރި ދެ މީހުން ހައްޔަރު ކުރި ކަމަށް ފުލުހުން ބުނި ފަހުން އިތުރު މީހަކު ހައްޔަރުކޮށްގެން ފުލުހުންގެ ޖިޕަށް އެރުވިއިރު، އެމީހާ ހުރީ މޫނު ނުފެންނަ ގޮތަށް އެއްޗެއް އަޅުވައިގެން ކަމަށް މައުލޫމާތު ލިބެއެވެ.

ރައީސް ނަޝީދަށް ހަމަލާ ދިން ހަމަލާދިން މައްސަލާއާއި ގުޅިގެން ގ. ގަދަފެހި ގެއިން ތިން މީހަކު ހައްޔަރު ކުރިއިރު އެ މީހުންގެ ތެރޭގައި ސީސީޓީވީ ފުޓޭޖުން ފެނުނު މީހާ ވެސް ހިމެނެއެވެ.

ރައީސް ނަޝީދަށް މިހާރު ދަނީ އޭޑީކޭގައި ފަރުވާ ދެމުންދާއިރު، އެމަނިކުފާނުގެ ހާލުކޮޅު ރަނގަޅު ވަމުން އަންނަ ކަމަށް އޭޑިކޭ ހޮސްޕިޓަލުން ވަނީ ބުނެފައެވެ.