ރޭގަނޑު 9 އާ 10 ދެމެދު ކުނި ނެރުމަށް ވެމްކޯ އިން އެދިއްޖެ
ރާއްޖޭގައި ކޮވިޑުގެ ހާލަތު އިތުރަށް ގޯސްވެފައިވާތީ، މާލެ، ހުޅުމާލެ އަދި ވިލިމާލޭގެ ގޭބީސީތަކުން ކުނި ނެރޭ ގަޑިއަށް ވެމްކޯ އިން ބަދަލު ގެނެސްފި އެވެ.
އެގޮތުން ވެމްކޯ އިން ބުނީ މާލެ ސަރަހައްދުގެ ގޭބީސީ ތަކުން ކުނި ނެރެން ޖެހޭނެ ގަޑިއަކީ ރޭގަނޑު 9:00 އާއި 10:00 އާއި ދެމެދު ކަމަށެވެ. އަދި މި ބަދަލު މިރެއިން ފެށިގެން ގެނައުމަށް ނިންމާފައިވާ ކަމަށެވެ.
އިޝްތިހާރު 
ކޮވިޑުގެ ހާލަތާއި ގުޅިގެން ވެމްކޯ އިން މިވަގުތު މާލެ ސަރަހައްދުގެ ގޭގެއިން ކުނި އުކާލަ ދެނީ ގޭބީސީތަކުގެ އިމާރާތުގެ ތިރީ ފަންގިފިލާ އާއި ހަމައަށް ކުނި ނެރުމުން ނެވެ.
ވެމްކޯ އިން ބުނީ މާލެ، ހުޅުމާލެ އަދި ވިލިމާލޭގައި ހުންނަ ވޭސްޓް ޓްރާންސްފަރ ސެންޓަރުތައް ހަވީރު 5:00 ގައި ބަންދު ކުރާނެ ކަމަށެވެ. އަދި ވެމްކޯގެ ކޯލް ސެންޓަރުން ޚިމަތް ދޭނީ ހެނދުނު 9:00 އިން މެންދުރު 3:00 އަށް ކަމަށެވެ.
މިލިޔުން ކިޔާލުމުން
