ރާއްޖޭގައި ކޮވިޑް ކޭސްތައް އަދިވެސް ދަނީ މަތިވަމުން
ރާއްޖޭގައި ކޮވިޑު ކޭސްތައް ދުވަހުން ދުވަހަށް މަތިވަމުންދާ އިރު، މިއަދު ވެސް ވަނީ 402 މީހުން ޕޮޒިޓިވް ވެފަ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ޢާންމުކުރި ތަފާސް ހިސާބުގައި ބުނެފައިވަނީ ފާއިތުވި 24 ގަޑި އިރު، މާލެ ސަރަހައްދުން 174 މީހަކާއި އަތޮޅުތެރެއިން 179 މީހަކު ޕޮޒިޓިވް ވެފައިވާ ކަމަށެވެ. އަދި އޮޕަރޭޝަނުގައި ހުރި ރިސޯޓުތަކުން ހަ މީހަކާއި ސިނާއީ މަސައްކަތް ކުރާ ރަށަކުން 43 މީހުން ވެސް ޕޮޒިޓިވް ވެފައިވާ ކަމަށް ބުނެއެވެ.
އެހެންކަމުން ރާއްޖޭގައި ކޮވިޑަށް ޕޮޒިޓިވްވީ މީހުންގެ ޢަދަދު މިވަނީ 30،237 އަށް އަރާފަ އެވެ.
ރާއްޖޭގައި ކޮވިޑަށް ފަރުވާ ހޯދަމުންދިޔަ މީހުންގެ ތެރެއިން ފާއިތުވި 24 ގަޑިއިރުގެ ތެރޭގައި 159 މީހަކު ރަނގަޅުވެ، ރާއްޖެއިން ބަލިން ފަސޭހަވީ މީހުންގެ ޢަދަދު މިވަނީ 24،934 އަށް އަރާފަ އެވެ.
އެޗްޕީއޭގެ ތަފާސް ހިސާބުތަކަށް ބަލާ އިރު، 3،854 މީހަކަށް މިހާރު ރާއްޖޭގައި އަންނަނީ މި ބައްޔަށް ފަރުވާދެމުން ނެވެ. އަދި ހޮސްޕިޓަލުތަކުގައި 161 މީހަކު އެބަ ތިއްބެވެ.
ރާއްޖޭގައި ކޮވިޑަށް ޕޮޒިޓިވްވި މީހުންގެ ތެރެއިން 66 ދިވެހިންނާއި ބަންގްލަދޭޝްގެ ހަ މީހަކާއި ފިލިޕީންސްގެ މީހަކާއި އިންޑިއާގެ މީހެއް މަރުވެ، ރާއްޖެއިން މަރުވި މީހުންގެ ޢަދަދު ވަނީ 74 އަށް އަރާފަ އެވެ.
މިލިޔުން ކިޔާލުމުން
