ކޮވިޑް ކޭސްތަކުގެ ޢަދަދު މައްޗަށް، މިއަދު 200 އިން މައްޗަށް
ރާއްޖޭގައި ކޮވިޑް ކޭސްތަކުގެ ޢަދަދު މައްޗަށް ދާން ފަށައިފި އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ޢާންމުކުރި ފާއިތުވި24 ގަޑި އިރުގެ މަޢުލޫމާތަށް ބަލާ އިރު،253 މީހުން ވަނީ ރާއްޖެއިން ކޮވިޑަށް ޕޮޒިޓިވް ވެފަ އެވެ.
މިއީ ފާއިތުވެދިޔަ 24 ގަޑިއިރު ތެރޭގައި ނެގި 3،286 ސާމްޕަލުން ޕޮޒިޓިވް ވި މީހުން ނެވެ.
ގްރޭޓަރ މާލޭ ސަރަހައްދުން 11 މީހުން ޕޮޒިޓިވްވި އިރު، ޖުމްލަގޮތެއްގައި މާލޭ ސަރަހައްދުން ޕޮޒިޓިވް ވި މީހުންގެ ޢަދަދު ވަނީ މަދުވެފައެވެ.
އެހެންނަމަވެސް އަތޮޅު ތެރެއިން ވަނީ ގިނަ ކޭސްތަކެއް ރިޕޯޓްކޮށްފަ އެވެ. އެގޮތުން މީހުން ދިރިއުޅޭ ރަށްތަކުން ޕޮޒިޓިވް 61 މީހުން ޕޮޒިޓިވް ވި އިރު، ރިޒޯޓުތަކުން 64 މީހަކު ވަނީ ޕޮޒިޓިވް ވެފައެވެ. އަދި އިންޑަސްޓްރިއަލް ރަށްތަކުން 17 މީހަކު ވެސް ވަނީ ކޮވިޑަށް ޕޮޒިޓިވް ވެފައެވެ.
ކޮވިޑް ބައްޔަށް 83 މީހުންނަށް ހޮސްޕިޓަލުގައި ފަރުވާދެމުން އަންނައިރު، މިހާތަނަށް މި ބަލީގައި 71 މީހަކު ވަނީ ނިޔާވެފަ އެވެ.
ރާއްޖޭގައި26،920 މީހުންނަށް ކޮވިޑު ބަލި ޖެހިފައިވާ އިރު،23،935 މީހުން ވަނީ މިބަލިން ފަސޭހަ ވެފައެވެ.
މިލިޔުން ކިޔާލުމުން
