ކޮވިޑަށް ޕޮޒިޓިވް ކޭސްތައް މިއަދުވެސް 100 އިން މަތީގަ
ރާއްޖެއިން ކޮވިޑަށް ޕޮޒިޓިވް ވި މީހުންގެ ޢަދަދު މިއަދު ވެސް 100 އިން މައްޗަށް އަރައިފި އެވެ.
އެގޮތުން މާލެ ސަރަހައްދުން 76 މީހަކު ޕޮޒިޓިވް ވެފައިވާ އިރު، އަތޮޅުތެރޭގެ މީހުން ދިރިއުޅޭ ރަށްތަކުން 68 މީހަކު ވަނީ ޕޮޒިޓިވް ވެފަ އެވެ. އަދި ރިސޯޓުތަކުން 14 މީހަކާއި އިންޑަސްޓްރިއަލް ރަށްތަކުން ހަތަރު މީހަކު ވެސް ވަނީ ޕޮޒިޓިވް ވެފަ އެވެ.
މިއަދު ކޯވިޑަށް ޓެސްޓުކޮށްފައި ވަނީ 2،873 ސާމްޕަލެވެ.
މިވަގުތު 2،784 މީހަކަށް ކޯވިޑް ޖެހިގެން ދަނީ ފަރުވާ ދެމުންނެވެ. އޭގެ ތެރެއިން 74 މީހަކަށް ފަރުވާ ދެމުން ދަނީ ހޮސްޕިޓަލްގައި އެޑްމިޓްކޮށްގެންނެވެ.
ކޯވިޑް ޖެހުނު މީހުންގެ ތެރެއިން މިދިޔަ 24 ގަޑިއިރު ތެރޭގައި 112 މީހަކު ވަނީ ބަލިން ރަނގަޅުވެފައި އެވެ. މިއާއި އެކު ރާއްޖެއިން ކޯވިޑް ޖެހުނު މީހުންގެ ތެރެއިން ބަލިން ރަނގަޅުވި މީހުންގެ އަދަދު ވަނީ 23،803 އަށް އަރާފައި އެވެ.
ކޯވިޑް ޖެހިގެން މިހާތަނަށް މަރުވެފައިވަނީ 71 މީހުންނެވެ.
މިހާތަނަށް ރާއްޖެއިން ކޯވިޑް-19 އަށް ޕޮސިޓިވް ވެފައިވަނީ 26،667 މީހުންނެވެ.
މިލިޔުން ކިޔާލުމުން
