އެމްޑީޕީގެ ގައުމީ މަޖިލީހުގެ މައްޗަންގޯޅި ދެކުނު ދާއިރާގެ ރައީސްގެ މަގާމަށް ގައްބެ

އެމްޑީޕީގެ ގައުމީ މަޖިލީހުގެ މައްޗަންގޯޅި ދެކުނު ދާއިރާގެ ރައީސްގެ މަގާމަށް އިބްރާހިމް ޢަބްދުﷲ (ގައްބެ) ކުރިމަތިލާން ނިންމާ، އެކަން އިޢުލާން ކޮށްފި އެވެ.

ގައްބެ ކޮށްފައިވާ ޓްވީޓެއްގައި ވިދާޅުވެފައިވަނީ އެދާއިރާގެ ރައީސްކަމަށް ކުރިމަތިލުމަށް ނިންމާފައިވާ ކަމަށާއި އެކަމުގައި އެންމެހައި ފަރާތްތަކުގެ އެއްބާރުލުން ބޭނުންވާ ކަމަށެވެ.

އިޝްތިހާރު

https://twitter.com/Gabbe_Ma/status/1384321324894588931

އޭނާއަކީ އެމްޑީޕީގައި ގިނަ ދުވަސްތަކެއް ހޭދަކޮށްފައިވާ، އަދި މިހާރުވެސް އިސް-ސަފުގައި ހަރަކާތްތެރިވަމުން އަންނަ ފަރާތެކެވެ. މީގެ އިތުރުން އެދާއިރާގެ ގިނަ ބައެއްގެ ރުހުމާއި ލޯބި މިހާރުވެސް އޮތް ފަރާތެކެވެ.

އެޓޯލް ނިއުސްއަށް ވާހަކަދައްކަވަމުން އޭނާ ވިދާޅުވީ އެދާއިރާގެ ރައީސްގެ މަގާމަށް ކުރިމަތިލާން ނިންމީ، ދާއިރާގެ ރައްޔިތުންނާ މިހާރަށްވުރެވެސް ގާތުން މަސައްކަތްކޮށް، ޚިދުމަތް ކޮށްދިނުމަށް ކަމަށެވެ.

”އަޅުގަނޑު ބޭނުންވަނީ މިހާރަށް ވުރެވެސް ރައްޔިތުންނާ ގާތުން، މަސައްކަތްކޮށް ރައްޔިތުންނަށް މިހާރަށް ވުރެވެސް ބޮޑަށް ޚިދުމަތް ކޮށްދިނުން. އެހެންވެ، ރައްޔިތުންނަށް ޚިދުމަތް ގާތުން ދެވޭނީ މިފަދަ މަގާމަކަށް އައިސްގެން.“ އިބްރާހިމް ޢަބްދުﷲ (ގައްބެ) ވިދާޅުވި އެވެ.

އޭނާ އިތުރަށް ވިދާޅުވީ އެމްޑީޕީގެ ފިކުރާއި އެއްގޮތަށް ރައްޔިތުންނަށް ޚިދުމަތް ކުރުމުގައި އަބަދު ވެސް ދެމިހުންނާނެ ކަމަށެވެ.