ރައީސް ޔާމީން ކޮވިޑް ވެކްސިން ޖައްސަވައިފި
ކުރީގެ ރައީސް އަބްދުﷲ ޔާމީން އަބްދުލް ގައްޔޫމް ކޮވިޑް ވެކްސިން ޖައްސަވައިފި އެވެ.
މޯލްޑިވްސް ކަރެކްޝަނަލް ސަރވިސް އިން ބުނީ އެމަނިކުފާނު ކޮވިޑުގެ ފުރަތަމަ ޑޯޒް ޖައްސަވާފަައިވަނީ ރޭގެ ވަގުތެއްގަ އެވެ. އަދި ވެކްސިން ޖެއްސެވުމަށްފަހު ރައީސް ޔާމީން އަނބުރާ މާފުށީ ޖަލަށް ގެންގޮސްފައިވާ ކަމަށެވެ.
މައުލޫމާތު ލިބިފައިވާ ގޮތުގައި އޭޑީކޭ ހޮސްޕިޓަލްފައި ރައީސް ޔާމީން ޖެއްސެވީ ފައިޒާ ވެކްސިނެވެ.
މިދިޔަ ބުދަ ދުވަހުގެ ރޭ ވެސް ވެކްސިން ޖެއްސެވުމަށްޓަކައި ރައީސް ޔާމީން މާލެ ގެނައި ކަމަށް ކަރެކްޝަންސް އިން ބުންޏެވެ. އެކަމަކު އެމަނިކުފާނުގެ ގާނޫނީ ޓީމުން ނެރުނު ބަޔާނެއްގައި ވަނީ ރައީސް ޔާމީން ގޮވައިގެން އައި ލޯންޗް މާލޭ ޖަލު ސަރަހައްދުގައި މަޑުކޮށްގެން އޮތުމަށްފަހު އެނބުރި ގޮސްފައިވާ ކަމަށެވެ.
އެރޭ ކަރެކްޝަންސް އިން ބުނީ ވެކްސިން ޖެއްސެވުމަށް ރައީސް ޔާމީން އިންކާރު ކުރެއްވި ކަމަށެވެ. ނަމަވެސް ވަކީލުން އެކަން ދޮގުކުރެ އެވެ.
މިލިޔުން ކިޔާލުމުން
