އިތުރަށް ވެކްސިން ޖެހެމުންދާ ވަރަކަށް ކޭސްތައް މަދުވާނެ: ޑރ. ނަޒްލާ
އިތުރަށް ވެކްސިން ޖެހެމުންދާ ވަރަކަށް ކޭސްތައް މަދުވާނެ ކަމަށް އެޗްއީއޯސީގެ ތަރުޖަމާން ޑރ. ނަޒްލާ ރަފީގު ވިދާޅުވެއްޖެ އެވެ.
ޑރ. ނަޒްލާ ވިދާޅުވީ މާލޭގެ ކޭސްތައް ވޭދުވެދިޔަ ހަތަރު ހަފްތާގައި މަދުވަމުން އައިކަމަށެވެ. އެގޮތުން އެ ހަތަރު ހަފްތާގައި، އެއް ހަފްތާއަށް ވުރެ އަނެއް ހަފްތާ ކޭސްތައް މަދުކަން ވަނީ ފާހަގަ ކުރައްވާފަ އެވެ.
“ އިތުރަށް ވެކްސިން ޖެހެމުންދާ ވަރަކަށް ކޭސްތައް މަދުވާނެ. އެހެން ނަމަވެސް، ވެކްސިން ޖެހުމަށްފަހުގައި ވެސް ބަލި ޖެހުމުގެ ކޮންމެވެސް ވަރެއްގެ ފުރުސަތެއް އޮވޭ. ޚާއްޞަކޮށް ގިނައިން ބޭރަށް ނުކުމެ، ތަންތަނަށް ގޮސްް ނުވަތަ ވަޒީފާއަށް ދިއުމާއި ރައްޓެހިންނާ ބައްދަލުކުރަން ދާ އުމުރުގެ މީހުން މިކަމަށް ޚާއްޞަ ސަމާލުކަމެއް ދޭން ޖެހޭ/“ ޑރ. ނަޒްލާ ވިދާޅުވި އެވެ.
މީގެ އިތުރުން ޒުވާން އުމުރުގެ މީހުން ވެކްސިން ޖަހާ މިންވަރު މަދުކަން ޑރ. ނަޒްލާ ވަނީ ފާހަގަ ކުރައްވާފަ އެވެ. އަދި އެ ފަރާތްތަކުން ހަމަ ވެކްސިން ޖެހި ވަރަކަށް، ބަލި ފެތުރުމުގެ ފުރުސަތު ކުޑަވަމުން ދާނެ ކަމަށް ވެސް ޑރ. ނަޒްލާ ވިދާޅުވި އެވެ.
މީގެ އިތުރުން ވެކްސިން ޖެހުނުކަމަށް ބެލެވޭނީ ދެ ޑޯޒް ފުރިހަމަ ކުރުމުން ކަމަށް ވެސް ޑރ. ނަޒްލާ ވިދާޅުވި އެވެ.
”ފުރަތަމަ ޑޯޒާއެކުވެސް ވެކްސިންގެ ހެޔޮ ބަދަލު ދަނީ ފެންނަމުން. ޚާއްޞަކޮށް ފުރަތަމަ ޑޯޒަށް ފަހު ހޮސްޕިޓަލްގައި އެޑްމިޓްކޮށްގެން ފަރުވާދޭ ބަލިމީހުންގެ އަދަދު ނިސްބަތުން ދަނީ ދަށް ވަނުން.“ ޑރ. ނަޒްލާ ވިދާޅުވި އެވެ.
މިލިޔުން ކިޔާލުމުން
