އުރީދޫ މޯލްޑިވްސް އިން އައު ޗެއަރމަންއެއް ޢައްޔަންކޮށްފި
އުރީދޫ މޯލްޑިވްސް އިން އައު ޗެއަރމަންއެއް ޢައްޔަންކޮށްފިއެވެ.
އެކުންފުނީގެ އިންޑިޕެންޑެންޓް ބޯޑު ޑިރެކްޓަރެއްގެ ގޮތުގައާއި އައު ޗެއަރމަންގެ ގޮތުގައި މިސްޓަރ ޑޭމިއަން ފިލިޕް ޗެޕަލް (އުރީދޫ މޯލްޑިވްސްގެ މައި ހިއްސާދާރު ކަމުގައިވާ ވަތަނިއްޔާ އިންޓަރނޭޝަނަލް އެފްޒެޑް-އެލްއެލްސީ އިން ނޮމިނޭޓްކޮށްފައިވާ ރެޕްރެޒެންޓެޓިވް) ޢައްޔަންކޮށްފައިވަނީ 1 އެޕްރީލް 2019 އިން ފެށިގެނނެވެ.
މިސްޓަރ ޗެޕަލް މިހާރު މަސައްކަތްކުރައްވަމުން ގެންދަވަނީ އުރީދޫ ޤަތަރުގެ ޗީފް ކޮންސިއުމަރ އޮފިސަރުގެ މަޤާމުގައެވެ.
އޭނާއަކީ ޓެލެކޮމިއުނިކޭޝަން ދާއިރާގައި 17 އަހަރަށްވުރެ ގިނަ ތަޖުރިބާ ހޯއްދަވާފައިވާ އޮސްޓްރޭލިޔާގެ ރައްޔިތެކެވެ.
މިސްޓަރ ޗެޕަލް ވަނީ އޮސްޓްރޭލިއާގެ ސްވައިންބާން ޔުނިވަރސިޓީ އޮފް ޓެކްނޮލޮޖީ އިން އެޕްލައިޑް ސައިންސް، އިންފޮމޭޝަން ޓެކްނޮލޮޖީގެ ދާއިރާއިން ބެޗަލަރސް ޑިގްރީ ހާސިލުކޮށްފައެވެ.
އުރީދޫ އިން ބުނީ އެ ކުންފުނީގެ ބޯޑު ޑިރެކްޓަރުކަމާއި ޗެއަރމަންކަމުގެ މަޤާމަށް އައްޔަން ކުރުމާ ގުޅިގެން މިސްޓަރ ޑޭމިއަން ފިލިޕް ޗެޕަލް އަށް ވަރަށް ހޫނު މަރުހަބާއެއް ކިޔާ ކަމަށެވެ.
މީގެ އިތުރުން މިސްޓަރ ޗެޕަލްގެ ޤާބިލް ލީޑަރޝިޕްގެ ދަށުން އުރީދޫ މޯލްޑިވްސް އިން ކުރިމަގުގައި އިތުރު މޭލުގާތުތައް ކަނޑައްތުކޮށް، ގިނަގުނަ ކާމިޔާބީތައް ހޯދާނެކަމުގައި އުއްމީދު ކުރާ ކަމަށްވެސް ބުނެފައިވެއެވެ.
މިލިޔުން ކިޔާލުމުން
