ސަމާލުވޭ! ކުޑަކުދިންގެ ހިޔާއަށް އެހީ ހޯދުމަށްކަމަށްބުނެ ފޯނުކުރަނީ..

ކުޑަކުދިންގެ ހިޔާއަށް އެހީ ހޯދުމަށް ކަމަށް ބުނެ، ޢާންމު ފަރާތްތަކަށް ގިނަ ފޯނު ކޯލުތަކެއް ލިބެމުންދާ ކަމުގެ މަޢުލޫމާތު ޖެންޑަރ މިނިސްޓްރީއަށް ލިބެމުން އަންނަކަމަށް އެ މިނިސްޓްރީން ބުނެފިއެވެ.

އެ މިނިސްޓްރީން ބުނީ މިނިސްޓްރީ އޮފް ޖެންޑަރ އެންޑް ފެމިލީން ނުވަތަ މި މިނިސްޓްރީގެ މަރުކަޒުތައް ކަމުގައިވާ ކުޑަކުދިންގެ ހިޔާއާއި ފިޔަވަތީގެ ފަރާތުން އެހީ ހޯދުމުގެ އެއްވެސް ހަރަކާތެއް ފޯނު މެދުވެރިކޮށް ނުވަތަ މުއާޞަލާތީ އެއްވެސް ވަސީލަތެއް މެދުވެރިކޮށް ކުރިއަށް ނުގެންދާ ކަމަށެވެ.

އިޝްތިހާރު

މި ފަދަ ކަންކަމަށް އެންމެހައި ފަރާތްތަކުން ސަމާލުވެލައްވައި، ފޯނު ކޯލާއި އެސްއެމްއެސް އާއި އީމެއިލް، އަދި މި ނޫންވެސް މުއާޞަލާތީ ވަސީލަތެއް މެދުވެރިކޮށް މި ފަދަ ހަރަކާތެއް އެއްވެސް ފަރާތަކުން އެމިނިސްޓްރީގެ ނަމުގައި ހިންގާކަމުގެ މަޢުލޫމާތު ލިބިވަޑައިގެންފި ނަމަ، ލަސްނުކުރައްވައި އެ ކަމުގެ މަޢުލޫމާތު އެ މިނިސްޓްރީއަށާއި މޯލްޑިވްސް ޕޮލިސް ސަރވިސްގެ ހޮޓްލައިން ނަންބަރު 3322111އާ ގުޅުއްވައި ޙިއްޞާކުރެއްވުމަށް ޖެންޑަރ މިނިސްޓްރީން ވަނީ އެދިވަޑައިގެންފައެވެ.