ލޭގެ ޕްރެޝަރު ކުޑަކޮށް މަތީގައި ހުންނަ ބޭފުޅުންނަށް ކަސްރަތު ކުރުން

ސުވާލު:
ލޭގެ ޕްރެޝަރު ކުޑަކޮށް މަތީގައި ހުންނަ ބޭފުޅުންނަށް ކަސްރަތު ކުރުމާ ގުޅޭގޮތުން ލިޔެވިދާނެ ރަނގަޅު އަދި ފުރިހަމަ މަޢުލޫމާތުކޮޅެއް ލިބިދާނެ ތޯ؟
ޖަވާބު:
ޤަވާޢިދުން ކަސްރަތު ކުރުމަކީ ލޭގެ ޕްރެޝަރު ދުޅަހެޔޮ މިންވަރެއްގައި ބެހެއްޓުމަށް އެޅޭނެ އެންމެ މުހިންމު އެއް ފިޔަވަޅެވެ.

ކުރެވިދާނެ ފައިދާހުރި ކަސްރަތުތައް:
ބާރަށް ހިނގުން:

އިޝްތިހާރު

ދުވާލަކު 30 މިނެޓު، ހަފްތާއަކު 5 ދުވަހު ބާރަށް ހިނގުމަކީ ހިތުގެ ދުޅަހެޔޮކަމަށް ވަރަށް ރަނގަޅު ކަމެކެވެ.

ފެތުން:

މިއީ މުޅި ހަށިގަނޑަށް ލުއިކަން ގެނެސްދީ، ލޭދައުރުވުން ރަނގަޅުކޮށްދޭ ކަސްރަތެކެވެ.
*ފެތުން ޚިޔާރު ކުރާނަމަ ރަނގަޅު ފޯމުގަ ފަތަން ދަސްކުރުން ވ މުހިއްމެވެ.

ބައިސްކަލް ދުއްވުން:

އައުޓްޑޯ ނުވަތަ ސްޓޭޝަނަރީ ބައިސްކަލް ދުއްވުމަކީ ވެސް ޕްރެޝަރު ދަށްކުރުމަށް އެހީތެރިވެދޭ ކަމެކެވެ.

ސަމާލުކަން ދޭންވީ މުހިންމު ކަންކަން:
ފެށުމުގައި ލުއިކޮށް ފެށުން:

ކުއްލިއަކަށް ބުރަ ކަސްރަތުތައް ނުކޮށް، މަޑުމަޑުން ވަގުތާއި ބުރަދަން އިތުރުކުރަމުން ގެންދާށެވެ.

ވާމްއަޕް އަދި ކޫލްޑައުން:

ކަސްރަތު ފެށުމުގެ ކުރިން ގައި ހޫނުކޮށްލުމަށާއި، ނިންމާލުމަށްފަހު މަޑުމަޑުން ހަށިގަނޑު ހަމައަކަށް އެޅުވުމަށް ވަގުތު ދޭށެވެ.

މާބޮޑަށް ބުރަވާ ކަންކަމުން ދުރުހެލިވުން:

މާ ބަރު އެއްޗެހި އުފުލުން ފަދަ ކުއްލިއަކަށް ޕްރެޝަރު މައްޗަށް ދާނެ ކަންކަމުން ދުރުވާށެވެ.

ހަށިގަނޑުގެ ސިގްނަލްތަކަށް ބެލުން:

މޭގައި ރިއްސުން، ބޯއެނބުރުން ނުވަތަ ނޭވާލާން އުނދަގޫވުން ފަދަ ކަމެއް ދިމާވެއްޖެނަމަ ވަގުތުން ކަސްރަތު ހުއްޓާލާށެވެ.
ނޯޓް: ކަސްރަތުގެ އައު ޕްރޮގްރާމެއް ފެށުމުގެ ކުރިން ޑޮކްޓަރެއްގެ ލަފާ ހޯއްދެވުމަކީ އެންމެ ރައްކާތެރި ގޮތެވެ.

މަޢުލޫމާތު: Personal Trainer Ali Shameem – Weight Loss & Fitness Coach