ހީވެސްނުކުރާ ފަދަ ގޮތްގޮތުން ރިޒުޤު ލިބޭ

ސޫރަތުއް ޠަލާޤުގައި ރިޒްޤު ގުޅުވާލައްވާފައިވަނީ ތަޤުވާވެރިކަމާއި (ﷲ އަށް ބިރުވެތިވުމާއި) ތަވައްކުލްއާއެވެ (ﷲ އަށް ވަކީލުކުރުމާއެވެ).

ތަޤުވާވެރިވާ މުއުމިނުންނަށް ﷲ ތަޢާލާ މަގެއް ދައްކަވާނެ ކަމަށާއި، ހީވެސްނުކުރާ ފަދަ ގޮތްގޮތުން ރިޒްޤު ދެއްވާނެ ކަމަށް ވަނީ ވަޢުދުވެވޮޑިގެންފަ އެވެ.

އިޝްތިހާރު

”مِنْ حَيْثُ لَا يَحْتَسِبُ“ ނުވަތަ އޭނާ ހިސާބުވެސް ނުކުރާ ފަދަ ގޮތަކަށް ރިޒްޤު ދެއްވުމުގެ މާނައަކީ، ރިޒްޤު ލިބުމަކީ ހަމައެކަނި އިންސާނާ ރާވާ ނުވަތަ ލަފާކުރާ މަޤުތަކަކަށް ހަނިވެފައިވާ ކަމެއް ނޫން ކަމެވެ.

މީގެ މާނައަކީ ރޭވުންތެރިކަމެއް ނެތި ނުވަތަ ހުއްދަ މަސައްކަތެއް ނުކޮށް ތިބުމެއް ނޫނެވެ.

އޭގެ ބަދަލުގައި، ރިޒްޤު ހޯދުމަށް ވަޒީފާއެއް ނުވަތަ ވިޔަފާރިއެއް ކުރި ނަމަވެސް، އެ ރިޒްޤުގެ އަޞްލު ފޮނުއްވަވާ ފަރާތަކީ ﷲ ކަން ހަނދާންކޮށްދިނުމެވެ.

މާލީ ދަތިކަމެއް ކުރިމަތިވާ ހިނދު، މީގެ ކުރިން ނުފެންނަ ފަދަ ދޮރުތަކެއް ހުޅުވިދާނެކަން ހަނދާންކޮށްދިނުމުގެ ގޮތުން ގިނަ މުސްލިމުން މި އާޔަތް ކިޔަވައި އުޅެ އެވެ.
وَيَرْزُقْهُ مِنْ حَيْثُ لَا يَحْتَسِبُ
”އަދި އޭނާ ހީވެސްނުކުރާ ފަދަ ގޮތަކުން އެކަލާނގެ އޭނާއަށް ރިޒުޤު ދެއްވާނެ އެވެ.“