އިންޑިއާގެ ގުޖުރާތަށް އަރަން ފެށި ތޫފާންގައި ބޮޑެތި ގެއްލުންތަކެއް ވަމުން ދަނީ

މި ތޫފާނުގެ އަސަރު މަހާރަޝްތުރާއަށްވެސްކޮށްފައިވާ ކަމަށް ރިޕޯޓުތައް އަންނަނީ ބުނަމުން ނެވެ.

މުމްބާއީ ސިފައިންނާ ހަވާލާދީ ރިޕޯޓުތައް ބުނެފައިވަނީ މުމްބާއީ ކައިރީ އޮތް ބާޖެއް އަޑިއަށްގޮސްފައިވާ ކަމަށާއި އަޑިއަށް ދިޔަ ބާޖުގައި ތިބި 273 މީހުންގެ ތެރެއިން 96 މީހަކު ގެއްލިފައިވާ ކަމަށެވެ. ބާކީ ތިބި މީހުން މިހާރު ސަލާމަތްކޮށްފައިވާ ކަަމަށް ވެސް ރިޕޯޓުތައް ބުނެއެވެ.

1998 ގެ ފަހުން ގުޖުރާތަށް އަރާ އެންމެ ބާރުގަދަ ތޫފާނަށް ތޫފާން ތައުތޭ ވާއިރު، އިންޑިއާގެ މީޓިއޮރޮލޮޖިކަލް ޑިޕާޓްމެންޓުން ބުނެފައިވަނީ އެ ތޫފާނުގެ ބާރު މިހާރުވެސް ދަށްވެ، ދެންވެސް ބާރު ދެރަ ވަމުންދާނެ ކަމަށެވެ.

އެ ތޫފާނަށް ތައްޔާރުވުމުގެ ގޮތުން، ތޫފާން މިސްރާބު ޖަހާފައިވާ ސަރަހައްދުތަކުން ގާތްގަނޑަކަށް ދެ ލައްކަ މީހުން ވަނީ ރައްކާތެރި ހިސާބުތަކަށް ވަނީ ބަދަލުކޮށްފަ އެވެ.

އިންޑިއާއަށް ބާރުގަދަ ތޫފާނެއް އަރަމުންދާ މި ދަނޑިވަޅަކީ ކޮވިޑް-19 ބަލިމަޑުކަމުގެ ސަބަބުން އެގައުމުގެ ސިއްހީ ނިޒާމަށް ބާރުބޮޑުވެފައިވަނިކޮށެވެ. އަދި ބަލީގައި ދުވާލަކަށް 4،000 އަށް ވުރެ ގިނަ މީހުން މަރުވަމުންދާ ދަނޑިވަޅެއްގަ އެވެ.