ކާން އެންމެ ރަނގަޅު ތަރުކާރީ އަކީ ބްރޮކޮލީ

ހަށިގަނޑަށް އެންމެ ފައިދާ ހުރި ތަރުކާރީގެ ބާވަތަކީ ބްރޮކޮލީ ކަމީ ގިނަބަޔަކު އެއްވަސްވާނެ ހަގީގަތެކެވެ. ކެއުން އެންމެ ރަނގަޅީ ބްރޮކޮލީ ކަމަށް މަޝްހޫރު ސިއްހީ ތަޖުރިބާކާރުންވެސް ވަނީ ވިދާޅުވެފަ އެވެ.

އެގޮތުން ބްރޮކޮލީގައި ހިމެނޭ މާއްދާތަކުގެ ތެރޭގައި ވިޓަމިން ސީ އަދި ވިޓަމިން ކޭ ، ފައިބަރ ގެ އިތުރުން ޕޮޓޭޒިއަމްހިމެނެއެވެ. ގިނަ އަދަދެއްގެ ޕްރޮޓީންސް އެކުލެވޭ ބްރޮކޮލީއަކީ އޭގައި ގިނަ ފައިދާތަކެއް އެކުލެވިގެންވާާ އާދަޔާ ޚިލާފު ތަރުކާރީގެ ބާވަތެކެވެ.

އިޝްތިހާރު

އެގޮތުން ބީބީސީގެ ޕްރޮގްރާމް ”ޑޮކްޓާ އިން ދަ ހައުސް“ގެ ކޮރެސްޕޮންޑެންޓް ޑރ. ރަންގަން ޗެޓަޖީ ލިޔުއްވާފައިވާ ލިޔުމެއްގައިވާ ގޮތުން ބްރޮކޮލީ އަކީ ”ލައިފް ސޭވާ“ އެކެވެ.

އެއީ ހަޖަމުކުރުމާއި ދިފާޢީ ނިޒާމުގެ މަސައްކަތްތައް ފުރިހަމަކޮށްދޭ ތަރުކާރީއެއް ކަމަށް އޭނާ ވަނީ ވިދާޅުވެފަ އެވެ. މީގެ އިތުރުން ސިކުނޑި ހަމަޖެހި މީހާގެ މޫޑަށް ވެސް ބްރޮކޮލީ ކެއުމުން އުފާވެރިކަން އިހުސާސްވާނެ ކަމަށް އޭނާ ވަނީ ވިދާޅުވެފަ އެވެ.

އެންޒައިޓީ އާއި ސްޓްރެސްގެ ކަންތައް ދިމާވާމީހުންނަށް ވެސް ބްރޮކޮލީ ކެއުމުން ހިތްހަމަޖެހުން އިހްސާސްވާނެ ކަމަށް ޑރ. ޗެޓަޖީ ވަނީ ވިދާޅުވެފަ އެވެ.

ބްރިކޮލީ ކާންވާނީ ސްޓީމް ކޮށްގެން ނޫނީ ފެން ކައްކައިގެންނެވެ. މިއީ ހިތުގެ މަލިތަކާއި ލޮލުގެ ބަލިތައް، ކޮލެސްޓްރޯލުގެ މައްސަލަތަކަށް އަދި ކެންސަރަށް ވެސް އޮތް ހައްލެކެވެ.