ޓީއެފްޖީ ބޮޑުހާފުގެ އެކްސްޕޯރ ބާއްވައިފި

ޓޯޓަލް ފިޓްނެސް ގްރޫޕުން މާދަމާ ބޭއްވުމަށް ނިންމާފައިވާ ’ޓީއެފްޖީ ބޮޑުހާފު“ ގެ އެކްސްޕޯރ ބާއްވައިފިއެވެ.

ހުޅުމާލޭގައި މާދަމާ ބޭއްވުމަށް ނިންމާފައިވާ މި ދުވުމުގެ ބިބް ދޫކުރުން ބާއްވާފައިވަނީ ޓީއެފްޖީގައެވެ.

އިޝްތިހާރު

ޓީއެފްޖީ އިން މުޅިން އަލަަށް ބާއްވާ ބޮޑުހާފަކީ 5 ކިލޯމީޓަރާއި 10 ކިލޯމީޓަރު އަދި 21 ކިލޯމީޓަރުގެ ދުވުން ހިމަނާފައިވާ ދުވުމުކެވެ. އަދި ދުވުމުގެ ޓައިޓްލް ލިބޭނީ މި ހުރިހާ ކެޓަގަރީއެއް ފުރިހަމަ ކުރުމުންނެވެ. އެހެންނަމަވެސް އެމީހަކު ބޭނުން ކެޓަގަރީއެއްގައި ދުވުމުގެ ފުރުޞަތު ހުޅުވާލި އިރު، ކޮންމެ ކެޓަގަރީއެއް ނިންމުމުންވެސް މެޑެލް ލިބޭނެއެވެ.

ޖުމްލަ 200 މީހުންނަށް އަމާޒުކޮށްގެން ބައިވެރިވުމުގެ ފުރުޞަތު ހުޅުވާލި މި ދުވުމުގައި ގިނަ ޢަދަދެއްގެ ބަޔަކު ވަނީ ބައިވެރިވެފައެވެ.

ޓީއެފްޖީ އިން ބުނީ ކޮންމެ ކެޓަގަރީއެއްވެސް ފެށުމަށް ހަމަޖެހިފައިވާ ގަޑިއަށް ފަށާނެ ކަމަށާއި ގަޑިއަށްވުރެ، ފަހުން އަންނަ ފަރާތްތަކަށް އެ ކެޓަގަރީގައި ބައިވެރިނުވެވޭނެ ކަމަށެވެ. އަދި ކެޓަގަރީއަށް ކަނޑައަޅާފައިވާ ވަގުތު ހަމަވާ އިރު، ނުނިންމާ ފަރާތްތަކަށް މެޑެލް ނުލިބޭނެ ކަމަށެވެ.

ބޮޑުހާފުގައި 5 ކިލޯމީޓަރ ދުވުން މާދަމާ ފަތިހު 05:30ގައި ފަށާ އިރު، މި ކެޓަގަރީގެ ދުވުން ނިންމަން ޖެހެނީ 45 މިނެޓުގެ ތެރޭގައެވެ. 10 ކިލޯމީޓަރ ދުވުން 06:30 ގައި ފަށާ އިރު، މި ކެޓަގަރީގެ ދުވުން ނިންމަން 1 ގަޑި 30 މިނެޓު ނިންމަން ލިބޭނެއެވެ. އަދި 21 ކިލޯމީޓަރގެ ދުވުން ފަށާނީ 08:30 ގައެވެ. މިދުވުން ފުރިހަމަ ކުރުމަށް ތިންގަޑި އިރު ލިބޭނެއެވެ.