ވިލާ ކޮލެޖުން ހިިންގި 14 ކޯހަކުން 319 ދަރިވަރަކަށް ދަސްވެނިވި ކަމުގެ ލިޔުން ދީފި
ވިލާ ކޮލެޖުން ޔުނިވަރސިޓީ އޮފް ދަ ވެސްޓް އޮފް އިންގްލޭންޑާ ގުޅިގެން ހިިންގި 14 ކޯހަކުން ދަސްވެނިވި 319 ދަރިވަރަކަށް ދަސްވެނިވި ކަމުގެ ލިޔުން ދީފިއެވެ.
ރާއްޖޭގެ އެންމެ ބޮޑު އަމިއްލަ ކޮލެޖުން ދަރުބާރުގޭގައި މިއަދު ބޭއްވި މި ގްރެޖުއޭޝަންގައި ބިޒްނަސް އެޑްމިނިސްޓްރޭޝަން ދާއިރާއިން މާސްޓަރސް، ޕޯސްޓް ގްރެޖުއޭޓް ޑިޕްލޮމާ އަދި ޕޯސްޓްގްރެޖުއޭޓް ސެޓިފިކޭޓް ހާސިލް ކުރި ދަރިވަރުންނާއި އެކައުންޓިންގ އެންޑް ފައިނޭންސް، ބިޒްނަސް މެނޭޖްމެންޓް، ބިޒްނަސް މެނޭޖްމަންޓް ވިތް މާކެޓިން ހިމެނެއެވެ.
މީގެ އިތުރުން ހިއުމަން ރިސޯސް މެނޭޖްމަންޓުން ބެޗެލަރސް ހާސިލް ކުރި ދަރިވަރުންނާއި ޕަބްލިކް ހެލްތާއި، އިންފޮމޭޝަން ޓެކްނޮލިޖީ އަދި އެކައުންޓިންގ އެންޑް ފައިނޭންސް އިން މާސްޓަރ އޮފް ސައިންސް ހާސިލް ކުރި ދަރުވަރުންވެސް ހިމެނެއެވެ.
މި ރަސްމިއްޔާތުގައި ޚާއްޞަ 3 އެވޯޑެއްވެސް ވަނީ ދީފައެވެ. އެއީ ވިލާ ކޮލެޖް ބުކް ޕްރައިޒްއާއި ކޮލެޖް މެޑަލް އަދި ވިލާ ކޮލެޖުގެ ބާނީ އޮނަރަބަލް ގާސިމް އިބްރާހިމްގެ ފަރާތްޕުޅުންދޭ ޚާއްޞަ އިނާމެއް ކަމަށްވާ ގާސިމް އިބްރާހިމް އެވޯޑް ފޮރ އެކްސެލެންސް އެވެ.
މި ތިން ދާއިރާއިން ޖުމްލަ 40 ދަރިވަރަކު ހާސިލްކޮށްފައިވާއިރު ގާސިމް އިބްރާހިމް އެވޯޑް ފޯ އެކްސެލެންސީ ހާސިލްކޮށްފައިވަނީ 6 ދަރިވަރެކެވެ.
މިރަސްމިއްޔާތުގައި ވިލާ ކޮލެޖުގެ ބާނީ ގާސިމް އިބްރާހިމްއާއި ވިލާ ގުރޫޕުގެ އިސްވެރިންނާއި ކޮލެޖުގެ ރެކްޓަރ ޑރ. އަހްމަދު އަންވަރާއި ކޮލެޖުގެ އިސްވެރިންނާއި ދަސްވެނިވި ދަރިވަރުންނާއި އެކުދިންގެ ބެލެނިވެރިން ވަނީ ބައިވެރިވެފައެވެ.
މިލިޔުން ކިޔާލުމުން
