ޤައުމުގެ މިނިވަންކަމަށްޓަކައި ގުރުބާންވި ބަަތަލުންގެ ހަނދާންތައް އަބަދުވެސް އާކުރަން ޖެހޭ: އިންޑިއާގެ ރައީސް

ޤައުމުގެ މިނިވަންކަމަށްޓަކައި ގުރުބާންވި ބަަތަލުންގެ ހަނދާންތައް އަބަދުވެސް އާކުރަން ޖެހޭކަމަށް އިންޑިއާގެ ރައީސް ރާމް ނާތު ކޯވިންދު ވިދާޅުވެއްޖެއެވެ.

އޭނާ މިހެން ވިދާޅުވީ އިންޑިއާގެ 71 ވަނަ މިނިވަން ދުވަހުގެ މުނާސަބަތުގައި ރާއްޖޭގައި ހުންނަ އެޤައުމުގެ އެމްބަސީގައި ބޭއްވި ދިދަ ނެގުމުގެ ރަސްމިއްޔާތުގައި އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު އަކިލޭސް މިޝްރާ މެދުވެރިކުރައްވާ ދެއްވި ބަޔާނެއްގައެވެ.

އިޝްތިހާރު

ހ. އަތިރީގެއާގޭގައި ހުންނަ އިންޑިއާ އެމްބަސީގައި މިއަދު ހެނދުނު ބޭއްވި މި ރަސްމިއްޔާތުގައި އެ ބަޔާން ހިއްސާކުރައްވަމުން އަކިލޭސް މިޝްރާ ވިދާޅުވީ މިނިވަން ދުވަސް ފާހަގަކުރާ އިރު ޤައުމުގެ މިނިވަންކަމަށްޓަކައި ޤުރުބާންވި ބަަލުންގެ ހަނދާންތައް އަބަދުވެސް އާކުރަން ޖެހޭ ކަމަށެވެ.

މީގެ އިތުރުން ދެ ޤައުމުގެމެދުގައު އޮންނަ ގުޅުމާއި އިންޑިއާގެ ރައްޔިތުންނާއި ދޭތެރޭ ބާއްވަވާ ގާތްކަމަށް ސަފީރު ވަނީ ޝުކުރު އަދާ ކުރައްވާފައެވެ.

އިންޑިއާގެ މިނިވަން ދުވަހުގެ މުނާސަބަތުގައި އިންޑިއާގެ ސަގާފީ ހުށަހެޅުންތަކަކާއެކު ބާއްވާ ޚާއްޞަ ޖަލްސާއެއް މިރޭ އަހުމަދިއްޔާ އިންޓަރނޭޝަނަލް ސްކޫލުގައި ބާއްވާ ގޮތަށް ވަނީ ހަމަޖެހިފައެވެ.