“ކަދުރު ކޭކް” ވަރަށް ފައްކާ !

ކަދުރަކީ ސިއްޚަތަށް އެތަކެއް ފައިދާތަކެއް ލިއްބައިދޭ ބާވަތެކެވެ. އަނގަޔަށް މީރު ބާވަތެކެވެ. ކަދުރު އާންމުކޮށް ބޭނުންކޮށް އުޅެނީ ރޯދަމަހުގައެވެ. އެހެން ނަމަވެސް އެހެން މަސްމަހުގައިވެސް މަދު މަދުންނަމަވެސް ކަދުރު ބޭނުންކޮށްއުޅެއެވެ.

ކަދުރަކީ ހަމަ އެކަނި ހުސްކޮށް ކާއެއްޗެއް ނޫނެވެ. ކަދުރުން ތަފާތު ބާވަތުގެ ކާތަކެތިވެސް ތައްޔާރުކޮށްގން ބޭނުން ކޮށް އުޅެއެވެ. އެގޮތުން ކަދުރު ބޯކިބާ، ކަދުރު ކޭކް ވެސް ރާއްޖޭގައި ތައްޔާރުކޮށް އުޅެއެވެ.

އިޝްތިހާރު

އެގޮތުން މިފަހަރު ބަލާލާނީ ކަދުރު ކޭކް ތައްޔާރުކުރާނެ ގޮތަށެވެ.

ކަދުރު ކޭކް ތައްޔާރު ކުރާނެގޮތް:
150ގ. ހަކުރު
250ގ. ފުށް
175 ގ. ބަޓަރ

2 ސައިސަމްސާ ބޭކިންޕައުޑަރ

1 މަތިގަނޑު ވެނީލާ އެސެންސް

1 ޖޯޑު ކަދުރު ( ކޮށާފައި )

1 ޖޯޑު ކަދުރު ( މިކްސްޗަރުން ހިމުންކޮށްފައި )

ތައްޔާރުކުރާނެ ގޮތް

ފުރަތަމަ ފުށް، ބޭކިންޕައުޑަރ އެއްކޮށް ފުރާނާލާށެވެ. ދެން ބިހާއި ހަކުރު ރަނގަޅަށް ވިރެންދެން ގިރާފައި ބަޓަރވެސް އެއްކޮށްފައި އޮމާންވަނދެން ގިރަލާށެވެ. ދެން ފުށް، ބޭކިންޕައުޑަރ އެއްކޮށް ލާށެވެ. ރަނގަޅަށް އޮމާންވަންދެން ގިރުނީމާ ކަދުރު އަދި އެސެންސްވެސް އެއްކޮށްލާށެވެ. ރަނގަޅަށް ގިރުމުން ޓްރޭގައި ބަޓަރު ހާކާފައި ފުށްގަނޑު އަޅާފައި އަވަނުން ފިހެލާށެވެ.