އަޟްޙާ ޢީދު ފާޙަގަ ކުރުމުގެ ގޮތުން ވިލިމާލޭގައި މިރޭ ހަވާ އަރުވަނީ

އަޟްޙާ ޢީދު ފާހަގަ ކުރުމުގެ ގޮތުން ވިލިމާލޭގައި މިރޭ ހަވާ އެރުވުމަށް ނިންމާފައިވާ ކަމަށް މޯލްޑިވްސް ނެޝަނަލް ޑިފެންސް ފޯސް (އެމް.އެން.ޑީ.އެފް) އިން ބުނެފިއެވެ.

އެޚިދުމަތުން ސޯޝަލް މީޑިއާގައި ބުނެފައިވާ ގޮތުގައި، ހަވާ އެރުވުމަށް ހަމަޖެހިފައިވަނީ ވިލިމާލޭ ބަނދަރު ސަރަހައްދުން ބޭރުން މިރޭ21:45 އާއި22:15 އާއި ދެމެދުއެވެ. އަދި ހަވާ އަރުވާނީ5 މިނެޓަށެވެ.

އިޝްތިހާރު

އަޟްޙާ އީދު ފާހަަގަ ކުރުމުގެ ގޮތުން ”ވައިޑީ ޢީދުފޯރި“ ނަމުގައި ވިލިމާލޭގައި އީދު ބަންދުގެ ކޮންމެ ދުވަހަކުވެސް ކުޅިވަރުތައް ވަނީ ކުރިއަށް ގެންގޮސްފައެވެ. އެގޮތުން ޢީދު ވެދުމާއި ދިއުމާއި ޢީދު މަޅި ރޯކުރުން، އީދު ސައި އަދި ދަފި ނެގުމާއި ކޯޑި ކެނޑުން، އަދި މާލި ޕެރޭޑާއި ބޮޑުމަސް ބޭނުން ހިމެނެއެވެ.

ވިލިމާލޭގެ އިތުރުން ރާއްޖޭގެ ގިނަ ރައްތަކުގައި ސަޤާފީ ކުޅިވަރުތަކާއިއެކު ކުލަގަދަކޮށް ޢީދުވަނީ ފާހަގަކޮށްފައެވެ.