ސްޓެލްކޯގެ މެނޭޖިންގ ޑިރެކްޓަރުގެ މަގާމަށް ޑރ. އަލީ އަޒްވަރު އައްޔަނުކުރައްވައިފި

ސްޓޭޓް އިލެކްޓްރިކް ކޮމްޕެނީ ލިމިޓެޑްގެ މެނޭޖިންގ ޑިރެކްޓަރުގެ މަގާމަށް، ސ. ފޭދޫ / ނެސްޕްރޯވިލާ، ޑރ. އަލީ އަޒްވަރު، އައްޔަނުކުރައްވައިފި އެވެ.
ކުންފުނިތަކުގެ ބެލެނިވެރިޔާ ކަމުގައިވާ ޕީސީބީން ބުނީ ސަަރުކާރުގެ ކަރަންޓް ކުންފުނި — ސްޓްލެކޯގެ އެމްޑީގެ މަގާމަށް އަލީ އަޒްވަރު އައްޔަނު ކުރައްވާފައިވާ ކަމަށެވެ. އެ މަގާމަށް އަޒްވަރު އައްޔަނު ކުރެއްވީ މިއަދު އެވެ.
ސްޓެލްކޯގެ އެމްޑީގެ މަގާމުގައި ކުރީން ހުންނެވި އަޙްމަދު ޝަމާޙް ރަޝީދު ވަކިކުރެއްވުމަށް ފަހު ކުންފުނި ހިންގެވުން ވަގުތީ ގޮތުން ހަވާލުކުރެއްވީވެސް އަޒްވަރުއާ އެވެ. އަޒްވަރު ހުންނެވީ ޑީއެމްޑީގެ މަގާމުގަ އެވެ.
ޑރ. އަޒްވަރު ސްޓެލްކޯއާ ގުޅިވަޑައިގަތީ 1997 ވަނަ އަހަރު ޓްރޭނީއެއްގެ ގޮތުގަ އެވެ. އެއަށްފަހު، ކުންފުނީގެ ފަންނީ އަދި އިދާރީ އެކި ފަންތީގެ މަގާމުތައް ފުރުއްވާފައިވެ އެވެ.

އިޝްތިހާރު