| ހީކުރާ ގޮތް | ކަމުގެ ހަޤީޤަތް |
| ވެރިކަމާއިގެން އުޅޭ ކޮންމެ މީހަކީ އެކަމަށް ޤާބިލް މީހެކެވެ. | ވެރިކަމާއިގެން ގިނަފަހަރަށް އުޅޭމީހުންނަކީ ވެރިކަން ކުރަން ޤާބިލް މީހުންނެއްނޫނެވެ. އެހެންކަމުން ވެރިކަމާއިގެން އުޅޭ ގިނަމީހުންނަށް ވެރިކަމެއް ނުލިބެއެވެ. |
| މަންމަނު މީހާކަށް ވެރިކަމެއް ނުކުރެވޭނެއެވެ. | ޤާނޫނީ ގޮތުން ތަންދޭނަމަ މަންމަނު މީހަކަށްވެސް ވެރިކަން ކުރެވިދާނެއެވެ. އެހެނަސް އޭނާ ވެރިކަން ކުރާއިރު ދިމާވާ މައްސަލަ ހައްލުކުރާނެ އިތުރު ބަޔަކު ބޭނުންވާނެއެވެ. |
| ޤައުމަށްޓަކައި އިނދެގެން އުޅޭ އަނބިމީހާ ވަރިކޮށްފައި ނަމަވެސް ވެރިކަމާއި ހަވާލުވާނީ ޤައުމަށް އޮތް ލޯތްބެއްގެ ސަބަބުންނެވެ. | އަނބިމީހާ ދެކެ ނުވާ ލޯތްބެއް ޤައުމުގެ ވެރިކަން ދެކެވާނަމަ އެވަނީ ދަހިވެތި ހީލަތްތެރި ލޯތްބެކެވެ. |
| ވެރިކަން އެއްފަހަރުކޮށްފައި ހުންނަ މީހަކަށް އެކަމާ ދުރުގައެއް ނުހުރެވޭނެއެވެ. | ވެރިކަން އިހްލާސްތެރިކަމާއި އެކު ކޮށްފައި ހުންނަ މީހަކަށް ވެރިކަމާއި ދުރުގައި ހުރެވިދާނެއެވެ. އެހެނަސް މަކަރާއި ހީލަތުން އެކަން ކޮށްފައި ހުންނަމީހާއަށް ވެރިކަމާއި ދުރުގައި ހުރުން ވާނީ ވަރަށް ދަތި އުނދަގޫ ކަމަކަށެވެ. އަބަދުވެސް ކޮންމެވެސް ހީލަތެއް ހަދައިގެން ވެރިކަން އަތުވޭތޯ މަސައްކަތްކުރާނެއެވެ. |
| އެއްޕާޓީއިން އަނެއްޕާޓީއަށް ބަދަލުވާ ޕާޓީ ލީޑަރުންނަކީ ސިޔާސީ މައިދާނުގައި އެންމެ ކާމިޔާބު މީހުންނެވެ. | ފުޓްބޯޅަ ޓީމުން ކުޅުންތެރިން ބަދަލުވާހެން ސިޔާސީ ލީޑަރުން ބަދަލުވާނަމަ އޭނާ އެ ބަދަލުވަނީ ފައިސާގެ ދަހިވެތިކަމުގައެވެ. އެއީ ކާމިޔާބު ލީޑަރުންނެއް ނޫނެވެ. |
| ވެރިކަން ކޮށްފައިވާމީހާ އާއި ޕާޓީ ހިންގުން ހަވާލު ކުރުމަކީ ޕާޓީއަށް ލިބޭ ކުރިއެރުމެކެވެ. | ޕާޓީ ހިންގަން ހުދުމުހުތާރު ކޮށް ކޮށްފައިވާ ވެރިއަކަށް ހަވާލުކުރުމަކީ މުޅިޕާޓީ ވެސް ހުދުމުހުތާރު ވެރިކަމަކަށް ބަދަލުކޮށްލާނެ ކަމެކެވެ. އޭނާގެ ހުދުމުހުތާރު ކަމުގެ ދަލުގައި ގިނަބަޔަކު ޖައްސާ ވާވައްދާނެ ކަމެކެވެ. |
