ހީކުރާ ގޮތާއި ކަމުގެ ހަޤީޤަތް (2)
| ހީކުރާ ގޮތް | ކަމުގެ ހަޤީޤަތް |
| ވެރިކަމަކީ ފާޑެއްގެ ކަމެކެވެ. ކޮންމެ ކޮންމެ މީހަކަށް އެކަމެއް ނުވާނެއެވެ. | ކޮންމެމީހަކަށްވެސް ވެރިކަން ކުރެވިދާނެއެވެ. ވެރިކަންކުރަން ނޭނގޭ މީހަކު އެކަން ކުރަން އުޅެފިނަމަ ފެއިލްވެ ބޭޒާރުވާލެއް ވަރަށް އަވަސްވާނެއެވެ. |
| ބައެއްޕާޓީ އަބަދުވެސް ރަނގަޅުވާނީ އިދިކޮޅު ޕާޓީގެ ގޮތުގައި އޮންނާށެވެ. އަދި އަނެއްޕާޓީއެއް ރަނގަޅުވާނީ ވެރިކަން ކުރާށެވެ. | އިދިކޮޅަށް އޮންނަޕާޓީ ހަރަކާތްތެރިނުވާންފެށުމުން ދެން ހީކުރެވެނީ އެޕާޓީ ރަނގަޅީ ވެރިކަން ކުރަން ކަމުގައެވެ. އަދި ކުރިން އިދިކޮޅުގައި އޮތްޕާޓީ އަބަދުވެސް ރަނގަޅުވާނީ އިދިކޮޅުޕާޓީ ގެ ގޮތުގައި އޮތުމެވެ. ހަޤީޤަތަކީ އިދިކޮޅަށް އޮންނަ ޕާޓީއަށް އިދިކޮޅަށް އޮންނަން ނޭގެންޏާ ވެރިކަން ކުރާކަށްވެސް ނޭނގޭނެއެވެ. |
| ޑިމޮކްރަސީ އަކީ ވަރަށް ފަހުން ތަޢާރަފްވެގެން އުޅޭ ނިޒާމެކެވެ. | ޑީމޮކްރަސީ އަކީ އީސާގެފާނަށްވުރެ 500 އަހަރު ކުރިން އުފެދިގެން އައި ވެރިކަމުގެ ނިޒާމެކެވެ. |
| ހުރިހާ ޤާނޫނެއް އޮންނަންވާނީ ލިޔެވިފައެވެ. | ދުނިޔޭގައި ނުލިޔެވޭ ޤާނޫނުތަކަކީ މާގިނަ އެއްޗެކެވެ. |
| ކައުންސިލަރަކު ޕާޓީ ޓިކެޓެއްގައި ހޮވުމަށްފަހު އޭނާ ޕާޓީ ބަދަލުކޮށްގެންނުވާނެއެވެ. | ކައުންސިލަރު ހޮވަން ވޯޓުދިންމީހުން ހަރަކާތްތެރިވެ ތާޢީދު ކުރާ ޕާޓީ ބަދަލުކޮށްފިނަމަ ކައުންސިލަރު އެކަނި އެއްޕާޓީގައި ހުންނަންޖެހިދާނެއެވެ. އެހެންވީއިރު ކައުންސިލަރަށްވެސް ޕާޓީ ބަދަލުވުމުގެ ފުރުޞަތު އޮންނަންވާނެއެވެ. |
| ކައުންސިލަރަށް ލިޔަންކިޔަން ނޭނގުނަސް އޭނާ ޕާޓީ ޓިކެޓެއްގައި އައިސްފިނަމަ ހޮވަންވާނެއެވެ. | ލިޔަންކިޔަން ނޭނގޭ ނުވަތަ ކަމަށް ޤާބިލްނޫން ކައުންސިލަރުން ހޮވުމަކީ ޕާޓީއަށް ދެވޭ އަނިޔާއެކެވެ. ޕާޓީގެ ހައިބަތު ގެއްލިދާ ކަމެކެވެ. |
އިޝްތިހާރު 
މިލިޔުން ކިޔާލުމުން
