ރާއްޖޭގެ ދެކުނުގެ އަތޮޅުތަކަށް ވައިޓް އެލާރޓް ނެރެފި
ދިވެހިރާއްޖޭގެ މޫސުމާއިބެހޭ ޤައުމީ އިދާރާއިން ރާއްޖޭގެ ދެކުނު އަތޮޅުތަކަށް ވައިޓް އެލާރޓް ނެރެފިއެވެ.
އެ އިދާރާއިން ނެރެފައިވާ ވައިޓް އެލާރޓް ނެރެފައިވަނީ މިރޭ 22:45 އާހަމައަށެވެ. އެސެންޓަރުން ބުނީ ދެކުނުގެ އަތޮޅުތަކަށް ޢާންމުގޮތެއްގައި ގަޑިއަކު 23 މޭލާއި 29 ދެމެދަށް ވައިގަދަވާނެއެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށް ލަފާކުރެވޭ ކަމަށެވެ.
ރާއްޖޭގެ އެހެން ހިސާބުތަކަށް ވައިޖެހޭނީ ގަޑިއަކު 5 މޭލާއި 15 މޭލާއި ދެމެދުގައި ބާރުމިނުގައި ކަމަށާއި އުތުރުގެ އަތޮޅުތަކުގެ ކަނޑުތައް އާދައިގެ ވަރަކަށް މަޑުވާނެކަމަށް ލަފާކުރެވޭ ކަމަށްވެސް މޫސުމާއިބެހޭ ޤައުމީ އިދާރާއިން ބުނެއެވެ.