ގައުމަށް ޣައްދާރުވީ ބަޔަކާ އެކުގައި ސިޔާސީ މަސައްކަތް ނުކުރެވޭނެ: އާދަމް ޝަރީފް
ގައުމަށް ޣައްދާރުވީ ބަޔަކާ އެކުގައި ސިޔާސީ މަސައްކަތް ނުކުރެވޭނެ ކަމަށް ޕީއެންސީގެ ނައިބު ރައީސް އާދަމް ޝަރީފް އުމަރު ވިދާޅުވެއްޖެ އެވެ.
އޭނާ މިހެން ވިދާޅުވީ “މިނިވަންކަމުގެ ދިފާއުގައި ދިވެހިން”ގެ ނަމުގައި އިދިކޮޅު ޕްރޮގްރެސިވް ކޯލިޝަނުން ކެމްޕެއިން ފެށުމަށް ރޭ ބޭއްވި ހަރަކާތުގައި ވާހަކަ ދައްކަމުން ނެވެ.
އިޝްތިހާރު 
އާދަމް ޝަރީފް ވިދާޅުވީ މިހާރު ސަރުކާރުގައި ތިބި މީހުންނަކީ ގައުމުގެ މިނިވަންކަން ގެއްލުވާލުމަށް މަސައްކަތް ކުރި ބައެއް ކަމަށެވެ. އަދި އެމްޑީޕީގެ އަތުން މިގައުމު ސަލާމަތް ކުރަން ޖެހޭ ކަމަށެވެ.
” އެހެންކަމުން ވީހާވެސް ގިނަ ބަޔަކު ޕީޕީއެމް/ޕީއެންސީން ކުރާ މަސައްކަތާ ގުޅެން ޖެހޭ. ގައުމުގެ މިނިވަންކަން ސަލާމަތް ކުރާ ފިކުރަކީ ހަމައެކަނި ޕީޕީއެމްގެ ފިކުރު.” އާދަމް ޝަރީފް ވިދާޅުވި އެވެ.
މިލިޔުން ކިޔާލުމުން
