ފްރާންސް ސަޕޯޓަރަކު ރޮނާލްޑޯގެ ބޮލުގަ ކޯކު ފުޅިއަކުން ޖަހައިފި
ޕޯޗުގަލް ތަރި ކްރިސްޓިއާނޯ ރޮނާލްޑޯގެ ބޮލުގައި ފްރާންސްގެ ސަޕޯޓަރަކު ކޯކު ފުޚިއެއް އެއްލާ ޖަހައިފިއެވެ.
ރޮނާލްޑޯގެ ބޮލުގައި ކޯކު ފުޅިއަކުން ޖަހާފައިވަނީ ރޭ ފްރާންސް އާއި ޕޯޗުގަލް ބައްދަލުކުރި މެޗުގެ ތެރެއިން ޕޯޗުގަލް އަށް ލިބުނު ޕެނަލްޓީ ފްރާންސްގެ ގޯލަށް ވައްދާލުމަށް ފަހު ރޮނާލްޑޯ އުފާފާޅުކުރުމަށް ސަޕޯޓަރުން ތިބި ސިޑިބަރި ކައިޔަށް ދިޔަ ވަގުތުއެވެ.
ފްރާންސްފެ ސަޕޯޓަރުންތިބި ސިޑިބަރިން ފްރާންސްގެ ސަޕޯޓަރަކު އެއްލި އެ ކޯކު ފުޅި ގޮސް ޖެހުނީ ސީދާ ރޮނާލްޑޯގެ ބޮލުގައެވެ. އެވަގުތު ރޮނާލްޑޯ ވަރަށް ރުޅިއައިސް ފްރާންސްގެ ސަޕޯޓަރުންނާއި ދިމާއަށް ބަހުގެ ހަމަލާތަކެއް ދިންކަމަށް ވެސް ރިޕޯޓުތައް ބުނެއެވެ.
ޔޫެއެފާގެ ސަމާލުކަމަށް މިކަން މިހާރު އައިސްފައިވާއިރު، މިފަދަ އަމަލުތައް ދަނޑަށް ކުޅިބަލަން ވަންނަ ސަޕޯޓަރުން ނުހިންގުމަށް ޔޫއެފާއިން ވަނީ އިލްތިމާސްކޮށްފައެވެ.