ޚަބަރު ފީތާ

ފިލިޕިންސްގެ ވެބްޑިވެލޮޕަރަކު އަލަތު ދަރިފުޅަށް ވަރަށް ޓެކް ނަމެއް ކިޔައިފި!

ފިލިޕިންސްގެ ވެބް ޑިވެލޮޕަރަކަށް ލިބުނު އަލަތު ދަރިފުޅަށް އޭނާގެ ދާއިރާ އާއި ގުޅޭ ރީތި ނަމެއް ކިޔާފައިވާ ކަމަށް ބުނެފި އެވެ.

ފިލިޕިންސްގެ ބުލަކަން ޕްރޮވިންސްގެ އަންހެނަކު ފޭސްބުކްގައި ބުނެފައިވަނީ އޭނާއަށް ބޮޑުދައިތަ ކިޔާ ކުއްޖަކު ލިބިފައިވާ ކަމަށާއި އެ ކުއްޖާގެ ނަމަކީ “އެޗްޓީއެމްއެލް” ކަމަށެވެ. އެ ކުއްޖާގެ ނަމުގެ ދިގު ގޮތަކީ “ހައިޕާ ޓެކްސްޓް މާކްއަޕް ލެންގުއޭޖް ރާޔޯ ޕަސުއަލް” އެވެ.

ނަމުގެ ގޮތުން ގިނަ މީހުންނަށް ކުއްޖާގެ ޖިންސް އޮޅިދާނެ އެވެ. އެއީ ފިރިހެން ކުއްޖެ ކެވެ.

އެ އަންހެން މީހާ ބުނެފައިވަނީ ދަރިފުޅަށް އެ ނަން ދޭން އޭނާގެ ބޭބެ ނިންމީ ބޭބެ މަސައްކަތް ކުރާ ދާއިރާގެ ގޮތުން ކަމަށެވެ.

ލިބުނު ފުރަތަމަ ދަރިފުޅަށް ކީ ނަމުން އެ ކުއްޖާގެ މަންމަވެސް ހުރީ ވަރަށް އުފަލުން ކަމަށް އެ އަންހެން މީހާ ފޭސްބުކްގައި ބުނެފައިވެ އެވެ. އަދި އާއިލާވެސް އެ ނަމާއި މެދު ހިތްހަމަ ޖެހޭ ކަމަށް ބުންޏެވެ.

މިއީ މިދިޔަ އަހަރު އިންޑޮނޭޝިއާގެ އަންހެނަކު އޭނާގެ ދަރިފުޅަށް ކީ މޮޅު ނަމުގެ ފަހުން މިހަކަ ނަމެއް ކީކަން ހާމަވި ފުރަތަމަ ފަހަރެވެ.

އިންޑޮނީޝިއާ ދެމެފިރިއަކަށް މިދިޔަ އަހަރު ލިބުނު ދަރުފުޅަށް ކިޔާފައިވަނީ “ވައި” އެވެ.

Like
Like Love Haha Wow Sad Angry
1